ডিজিটেল ডেস্ক
লাডেনৰ দ্বাৰা সংঘটিত আমেৰিকাৰ ৯/১১ ৰ কথা শুনিলেই বহুতৰে বুকু কঁপি উঠে৷ এই আক্ৰমণত ধন-জন সকলো ফালৰ পৰাই ক্ষতিগ্ৰস্ত হৈছিল আমেৰিকা৷ কিন্তু শেহতীয়াকৈ পোহৰলৈ আহিছে যে, এই আক্ৰমণৰ বিষয়ে এমাহ আগতেই সম্ভেদ পাইছিল জৰ্জ ডব্লিউ বুশ্বে৷ ২০০১ চনৰ ৬ আগষ্টত চিআইএ-ৰ দ্বাৰা ওছামা বিন লাদেনৰ ধ্বংসাত্মক পৰিকল্পনাৰ বিষয়ে বুশ্বক অৱগত কৰা হয়। কিন্তু বিষয়টোৰ বিষয়ে জনাৰ পাছতো তেওঁ কোনো পদক্ষেপ লোৱা নাছিল।
ৰাষ্ট্ৰপতি জৰ্জ ডব্লিউ বুশ্বে ইতিমধ্যে আমেৰিকা যুক্তৰাষ্ট্ৰত ২০০১ চনৰ ৯/১১ ৰ সন্ত্ৰাসবাদী পৰিকল্পনাৰ বিষয়ে "বাতৰি" লাভ কৰিছিল। চিএনএনৰ এক অনুসন্ধানমূলক প্ৰতিবেদন অনুসৰি, আক্ৰমণৰ পৰিকল্পনাৰ বিষয়ে আগতীয়াকৈ জনা স্বত্বেও বুশ্বে প্ৰয়োজনীয় পদক্ষেপ গ্ৰহণ কৰা নাছিল।
প্ৰকাশিত প্ৰতিবেদনত ২০০৪ চনৰ এপ্ৰিলৰ কিছুমান চৰকাৰী নথিৰ কথা উল্লেখ কৰা হৈছে। দস্তাবেজখনত দাবী কৰা হৈছে যে কমেও এমাহ আগতে, আল-কায়েদা উগ্ৰপন্থী গোটটোৱে এটা ডাঙৰ ধ্বংসাত্মক কাৰ্য সংঘটিত কৰাৰ পৰিকল্পনাৰ বিষয়ে হোৱাইট হাউচৰ তদানীন্তন বাসিন্দাৰ ওচৰলৈ চোৰাংচোৱা প্ৰতিবেদন আহিছিল। কিন্তু গোটেই কথাটো জনাৰ পাছতো তেওঁ আচৰিতভাৱে নিৰুদ্বেগ হৈ পৰিছিল আমেৰিকাৰ ৰাষ্ট্ৰপতি ৷
Continue Reading
