ডিজিটেল ডেস্কঃ কেৰালাত প্ৰদূষিত পানীত গা ধুই মৃত্যু হয় এজন কিশোৰৰ। সেই পানীৰ পৰাই তেওঁৰ মগজুত বীজাণু সংক্ৰমিত হৈছিল। সংক্ৰমণৰ বাবে কিশোৰজনৰ মৃত্যু হয়। চিকিৎসকে কয় যে পানীৰ পৰা মগজুৰ এই সংক্ৰমণ অত্যন্ত বিৰল।
শুকুৰবাৰে কেৰালাৰ স্বাস্থ্যমন্ত্ৰী বীনা জৰ্জে কয় যে, এই সংক্ৰমণৰ নাম হৈছে প্ৰাইমেৰী এমোবিঅ’টিক মেনিংগ’এনচেফেলাইটিছ। ই এবিধ এমিবিক ৰোগ। ফলত এটি ১৫ বছৰীয়া ল’ৰাৰ মৃত্যু হয়। আলাপ্পুঝা জিলাৰ পানাৱল্লী অঞ্চলৰ বাসিন্দা তেওঁ। এই ৰোগত মৃত্যুৰ হাৰ ১০০ শতাংশ। এই পৰ্যন্ত এই ৰোগত আক্ৰান্ত কোনো লোকক ৰক্ষা পোৱা নাই।
জিলা প্ৰশাসনে সাধাৰণ ৰাইজক পানীৰ সন্দৰ্ভত সকীয়াই দিছে। কোনোৱে যাতে ক’তো দূষিত পানীত গা ধুব নোৱাৰে তাৰ বাবে এক অভিযান আৰম্ভ কৰা হৈছে।
চিকিৎসকৰ মতে এই ৰোগৰ প্ৰাৰম্ভিক লক্ষণসমূহ হ’ল জ্বৰ, বমি, মূৰৰ বিষ আৰু কঁপনি। আৱদ্ধ পানীত জন্ম হোৱা এমিবাৰ দ্বাৰা সংক্ৰমণ বিয়পে। এই এমিবাবোৰ মুক্ত জীৱন আৰু পৰজীৱী। ই নাকৰ ফুটাৰে মানুহৰ শৰীৰত প্ৰৱেশ কৰি মগজুত আক্ৰমণ কৰে।
২০১৬ চনত কেৰালাত এই ৰোগৰ প্ৰথমটো আলাপ্পুঝাত ধৰা পৰিছিল। ইয়াৰ পিছত ২০১৯ আৰু ২০২০ চনত মালাপ্পুৰম জিলাত দুজন লোক আক্ৰান্ত হৈছিল। ২০২০ আৰু ২০২২ চনত কোজিকোড আৰু থ্ৰিছুৰত আৰু দুজন লোকৰ মৃত্যু হোৱাৰ বাতৰি পোৱা গৈছে।
Continue Reading
