ডিজিটেল ডেস্কঃ ৰে’লযোগে যাত্ৰা কৰা যাত্ৰীসকলক ৰে’ল মন্ত্ৰালয়ে যথেষ্ট সকাহ দিছে।শেহতীয়াকৈ বন্দে ভাৰত ৰে’ল আৰু এচি চেয়াৰ কাৰ ৰে’লৰ ভাড়া হ্ৰাস কৰাৰ সিদ্ধান্ত লোৱা হৈছে ভাৰতীয় ৰেল বিভাগে। ৰে’লত অধিক যাত্ৰী যাত্ৰা কৰাৰ পৰিপ্ৰেক্ষিতত এচি চিটিং থকা ৰে’লৰ ভাড়াত শিথিলতা প্ৰদান কৰিব ৰে’ল মন্ত্ৰালয়ে। ৰেহাইৰ বাবে মন্ত্ৰালয়ে এই কৰ্তৃত্ব খণ্ড ৰেলৱেক অৰ্পণ কৰিব।
ৰে’ল মন্ত্ৰালয়ৰ এই সিদ্ধান্তৰ পাছতে বন্দে ভাৰতকে ধৰি সকলো ৰে’লৰ এচি চেয়াৰ কাৰ, কাৰ্যবাহী শ্ৰেণীৰ ভাড়া ২৫ শতাংশ হ্ৰাস কৰা হ’ব। এই আঁচনিখনত ভিষ্টাড’ম ডবাকে ধৰি এচিত বহাৰ সুবিধা থকা সকলো ৰে’লৰ এচি চেয়াৰ কাৰ আৰু এক্সিকিউটিভ ক্লাছত প্ৰযোজ্য হ’ব। ভাড়াৰ ৰেহাই সৰ্বাধিক ২৫ শতাংশ পৰ্যন্ত হ’ব। আনহাতে, আন আন চাৰ্জ যেনে ৰিজাৰ্ভেচন চাৰ্জ, ছুপাৰ ফাষ্ট চাৰ্জেচ, জি এছ টি ইত্যাদিৰ দৰে কৰ যিয়েই নহওক কিয়, পৃথকে পৃথকে আৰোপ কৰা হ’ব। একে সময়তে শ্ৰেণী অনুসৰিও মাচুলৰ শিথিলতাও দিব পাৰি। যোৱা ৩০ দিনৰ ভিতৰত ৫০ শতাংশ দখল থকা ৰে’লৰ কথা বিবেচনা কৰা হ’ব। ইয়াৰ পাছত যাত্ৰীৰ ভাড়া ভিত্তিত এই ৰে’লসমূহত ভাড়া ৰেহাই দিয়া হ’ব।
\
Continue Reading
