ডিজিটেল ডেস্কঃ প্ৰধানমন্ত্ৰী নৰেন্দ্ৰ মোদীয়ে এইবুলি দাবী কৰিছে যে ৰাষ্ট্ৰীয় গণতান্ত্ৰিক মিত্ৰজোঁটৰ (এন ডি এ) তৃতীয় কাৰ্যকালত ভাৰত বিশ্বৰ তৃতীয় সৰ্ববৃহৎ অৰ্থনীতি হৈ পৰিব।
মোদীয়ে কয় " এন ডি এৰ শাসনকালত ভাৰতীয় অৰ্থনীতি বিশ্বব্যাপী দশম স্থানৰ পৰা ৫ম স্থানলৈ উন্নত হৈছে, মই আপোনাক আশ্বাস দিব পাৰোঁ যে আমাৰ তৃতীয় কাৰ্যকালত অৰ্থনীতি তৃতীয় স্থানত থাকিব," । নতুন দিল্লীত অনুষ্ঠিত এন ডি এৰ বৈঠকত প্ৰধানমন্ত্ৰী মোদীয়ে এনেদৰে কয়। এন ডি এৰ মিত্ৰদলসমূহক আশ্বাস দি প্ৰধানমন্ত্ৰী মোডীয়ে কয় যে তেওঁ ভুল কৰিব পাৰে কিন্তু বেয়া উদ্দেশ্যৰে একো নকৰে। বিৰোধীপক্ষক আক্ৰমণ কৰি প্ৰধানমন্ত্ৰীয়ে কয় যে তেওঁলোকে সাধাৰণ লোকৰ জ্ঞানক অৱমূল্যায়ন কৰে, কিন্তু ৰাইজে জানে যে স্বাৰ্থপৰ সকলে তেওঁলোকক বান্ধি ৰাখিব বিচাৰিছে।
উল্লেখ্য মঙলবাৰে ৩৮ টা দলৰ নেতাই মঙলবাৰে ইয়াত বিজেপি নেতৃত্বাধীন এন ডি এৰ বৈঠকত যোগদান কৰিছিল। প্ৰধানমন্ত্ৰী নৰেন্দ্ৰ মোদীয়ে সেই মিত্ৰতাক এক সময়-পৰীক্ষিত মিত্ৰজোঁট , যি মিত্ৰজোঁটে ৰাষ্ট্ৰীয় প্ৰগতি আৰু আঞ্চলিক আকাংক্ষা পূৰণ কৰিব বিচাৰে বুলি কৈছিল। প্ৰধানমন্ত্ৰী মোদীয়ে কয় যে এন ডি এৰ মিত্ৰশক্তিৰ একত্ৰিত হোৱাটো "অপৰিসীম আনন্দৰ" বিষয়। তেওঁ টুইটত কয়, "এয়া অত্যন্ত আনন্দৰ বিষয় যে সমগ্ৰ ভাৰতৰ পৰা আমাৰ মূল্যৱান এন ডি এ অংশীদাৰসকলে আজি দিল্লীত অনুষ্ঠিত বৈঠকত অংশগ্ৰহণ কৰিছে। "
Continue Reading
