ডিজিটেল ডেস্ক: গেহলট চৰকাৰৰ মন্ত্ৰী পৰসাদী লাল মীনাই ৰাহুল গান্ধীক ৰামৰ লগত তুলনা কৰিলে। আনকি তেওঁ কৈছিল যে ৰাহুল গান্ধীয়ে কৰা দৰে দীঘলীয়া যাত্ৰা ভগৱান ৰামেও কৰা নাই।
গেহলট চৰকাৰত দিয়া বক্তব্যৰ বাবে পুনৰবাৰ শিৰোনাম দখল কৰিছে চিকিৎসা মন্ত্ৰী পৰসাদী লাল মীনাই। পৰসাদী লাল মীনাই ৰাহুল গান্ধীক ভগৱান ৰামৰ লগত তুলনা কৰিছিল। তেওঁ কয় যে ৰাহুল গান্ধীয়ে ভগৱান ৰামতকৈ বেছি খোজ কাঢ়িব। ভগৱান ৰাম অযোধ্যাৰ পৰা শ্ৰীলংকালৈ খোজকাঢ়ি গৈছিল। কন্যাকুমাৰীৰ পৰা কাশ্মীৰলৈ খোজ কাঢ়ি যাব ৰাহুল গান্ধীয়ে।
সংবাদ মাধ্যমৰ খবৰ অনুসৰি কালি বিয়লি ৪ বজাত দৌছাত মন্ত্ৰী পৰসাদী লাল মীনাই এই বক্তব্য প্ৰদান কৰে। লালসোট নগৰৰ বাগদী গাঁৱত চি এইচ চি ভৱনকে ধৰি বহুকেইখন আঁচনিৰ আধাৰশিলা স্থাপন কৰি তেওঁ এই বক্তব্য দাঙি ধৰে। ভাৰত যোড়ো যাত্ৰাৰ বাবে তেওঁ ৰাহুল গান্ধীক বহুত প্ৰশংসা কৰে। তেওঁ কৈছিল যে ভগৱান ৰামেও ত্ৰেতাযুগত নিৰ্বাসিত সময়ত ইমান দীঘলীয়া যাত্ৰা কৰা নাছিল। ভগৱান ৰাম অযোধ্যাৰ পৰা শ্ৰীলংকালৈ খোজ কাঢ়ি গৈছিল। তাতোকৈয়ো বেছি ৰাহুল গান্ধীৰ এই ঐতিহাসিক পদযাত্ৰা যি কন্যাকুমাৰীৰ পৰা কাশ্মীৰলৈ যাব।
মন্ত্ৰীগৰাকীয়ে কয় যে দেশত সাম্প্ৰদায়িকতাবাদৰ পৰিৱেশ সৃষ্টি হৈছে, য’ত ৰাহুল গান্ধীয়ে দেশখনক একত্ৰিত কৰাৰ বাবে কাম কৰিবলৈ ওলাইছে। ইমান দীঘলয়া পদযাত্ৰা কেতিয়াও ওলোৱা নাছিল আৰু আগলৈও কোনেও উলিয়াব নোৱাৰিব।
Continue Reading
