ডিজিটেল ডেস্কঃ ‘এনিমেল’ৰ চৰ্চা এতিয়াও অব্যাহত আছে। চিনেমাখনে বক্স অফিচত ধুমুহাৰ সৃষ্টি কৰিছে। ছবিখনৰ উন্মাদনাই মানুহক আৱৰি আছে। ছবিখনত ৰণবীৰ কাপুৰৰ ভূমিকাক দৰ্শকে বহুত ভাল পোৱাৰ বিপৰীতে ববী দেউলে একো নোকোৱাকৈয়ে সকলোকে আপ্লুত কৰি তুলিছে।
'এনিমেল'ক লৈ ছানী দেওলে প্ৰকাশ কৰিছে প্ৰতিক্ৰিয়া। ‘এনিমেল’ ছবিৰ সন্দৰ্ভত মুকলিকৈ কথা পাতিলে ছানী দেওলে। এই সময়ত ছানীয়ে কয় যে ছবিখনৰ কিছুমান কথা মোৰ ভাল লগা নাই। কিন্তু ভাতৃ ববীৰ অভিনয়ত মই সুখী। ববিৰ বাবে মই বৰ সুখী। এনিমেল চাইছোঁ ভাল লাগিল। ভাল চিনেমা। কিন্তু কিছুমান কথা আছে যিবোৰ মোৰ ভাল লগা নাই। কেতিয়াবা মোৰ ছবিবোৰতো কিছুমান কথা ভাল নাপাওঁ। এজন দৰ্শক হিচাপে মই এই অনুভৱ ব্যক্ত কৰিছো।
উল্লেখ্য যে এই ছবিখন মুক্তি পোৱাৰ ১৬ দিন হ’ল আৰু ছবিখনৰ সংগ্ৰহ ১৫ দিনত ৮০০ কোটি টকাৰ পৰা মাত্ৰ কেইখোজমান দূৰত। এই ছবিখনে ১৫ দিনত ৭৮৪.৪৫ কোটি টকা সংগ্ৰহ কৰিছে। এই ছবিখন পৰিচালনা কৰিছে সন্দীপ ৰেড্ডী ভাংগাই। ৰণবীৰ আৰু ববীৰ উপৰিও তৃপ্তি ডিমৰীৰ চৰিত্ৰক লৈ ছবিখনত চৰ্চা চলি আছে। এই ছবিখনৰ দ্বিতীয় খণ্ডও হ’ব, যিটো ছবিৰ শেষত এটা ক্লিপত ঘোষণা কৰা হৈছিল।
Continue Reading
