ডিজিটেল ডেস্কঃ মুম্বাইৰ ধীৰুভাই আম্বানী ইণ্টাৰনেচনেল স্কুলত অধ্যয়ন কৰে বলীউডৰ নামী-দামী তাৰকাৰ সন্তানে। শেহতীয়াকৈ এই স্কুলত অনুষ্ঠিত হৈছে বাৰ্ষিক দিৱস। ইয়াত অংশগ্ৰহণ কৰিছে শ্বাহৰুখ খানৰ কনিষ্ঠ সন্তান আব্ৰাম খানে। ইয়াৰ লগতে অভিষেক-ঐশ্বৰ্যৰ কন্যা আৰাধ্যা বচ্চন আৰু ছৈফ-কৰীণাৰ পুত্ৰ তেইমূৰ আলী খানেও অংশগ্ৰহণ কৰিছে। তেওঁলোকৰ এই প্ৰদৰ্শন ছ'চিয়েল মিডিয়াত ভাইৰেল হৈ পৰিছে।
বাৰ্ষিক দিৱসৰ কিছু ভিতৰৰ ছবি পোহৰলৈ আহিছে। শ্বাহৰুখ খানৰ কনিষ্ঠ পুত্ৰ আব্ৰাম খানক মঞ্চত অভিনয় কৰা দেখা গৈছিল। অভিনয়ৰ সময়ত আব্ৰাম খানে মঞ্চত হাত মেলি পিতৃ শ্বাহৰুখ খানৰ ছিগনেচাৰ প’জটোও কৰিছিল। যিটো দৰ্শকে বহুত পচন্দ কৰে। সকলোৱে কৈছে পিতৃক অনুকৰণ কৰাত সফল হৈছে পুত্ৰ।
আব্ৰাম খানৰ এই প’জ এতিয়া ভাইৰেল হৈ পৰিছে। উল্লেখ্য যে আব্ৰাম খানৰ অভিনয় চাবলৈ পত্নী আৰু কন্যাৰ সৈতে উপস্থিত আছিল শ্বাহৰুখ খান। আব্ৰামৰ অভিনয় দেখি আৱেগিক হৈ দুচকু সেমেকি উঠিছিল শ্বাহৰুখ খানৰ।
Continue Reading
