ডিজিটেল ডেস্কঃ বাজি মাৰি সুৰা পান কৰি এজন যুৱকে পান কৰিলে ৯০ মিনিটত ২২ পেগ মদ । তাৰপাছতে মৃত্যু হয় যুৱকজন। পোলেণ্ডৰ ক্ৰেকোত সংঘটিত হয় এই কাণ্ড। নেটজগতত খবৰটো পোহৰলৈ অহাৰ পিছতে হতভম্ব হৈ পৰিল নেটিজেনসকল।
বন্ধুৰ সৈতে নাইটক্লাবলৈ গৈছিল মাৰ্ক এজন ব্ৰিটিছ যুৱক। নাইটক্লাবত বন্ধুসকলৰ বাজি মাৰে যে ৯০ মিনিটৰ ভিতৰতে ২২ পেগ মদ তেওঁ পান কৰিব।
যুৱকজনৰ বয়স ৩৬ বছৰ। ক্ৰাইয়াল নাইটছ নামৰ ক্লাব এটাত মদ খাবলৈ গৈছিল তেওঁ। নাইটক্লাবত উপস্থিত থকা বন্ধু আৰু অন্যান্যসকলৰ লগত কিমান মদ্যপান কৰিব পাৰে তাৰ প্ৰত্যাহ্বান গ্ৰহণ কৰে।
তাৰ পিছত মাত্ৰ ৯০ মিনিটৰ ভিতৰতে যুৱকজনে ২২ পেগ মদ খালে। মদ্যপান কৰাৰ কিছু সময়ৰ পিছতে তেওঁ অসুস্থ হৈ পৰে। চিকিৎসালয়লৈ নিয়াৰ পিছত চিকিৎসকে তেওঁক মৃত বুলি ঘোষণা কৰে।
মৃত্যুৰ পিছত মৰণোত্তৰ পৰীক্ষাৰ প্ৰতিবেদনত তেওঁৰ দেহত ০.৪ শতাংশ এলক’হল আছিল বুলি জানিব পৰা গৈছে। যিটো স্বাভাৱিকতকৈ বহু বেছি। অতিৰিক্ত মদ খোৱাৰ পিছত তেওঁ অজ্ঞান হৈ পৰে। আনকি অভিযোগ কৰা হৈছে যে সেই সময়ত যুৱকজনৰ পৰা ৪২০ পাউণ্ড লুট কৰা হৈছিল।
আৰক্ষীয়ে এই সন্দৰ্ভত তদন্ত আৰম্ভ কৰিছে। ইতিমধ্যে আৰক্ষীয়ে নাইট ক্লাবৰ পৰিচালক, মৃতকৰ বন্ধুসহ ৪ জন অভিযুক্তক জেৰা আৰম্ভ কৰিছে।
Continue Reading
