এসময়ত নোৰাৰ নৃত্যই জোকাৰি গৈছিল বলীউড , সমুদ্ৰৰ পাৰত এইবাৰ কাক মোহনীবান মাৰিলে লাস্যময়ী ফাতেহীয়ে?

নতুন দিল্লীঃ বিয়াৰ সামৰণি পৰিল, এইবাৰ প্ৰেমৰ কিৰিলি। বলীউডত নতুন প্ৰেমৰ গুঞ্জন উঠিছে। শ্ৰেষ্ঠ নৃত্যশিল্পী নোৰা ফাতেহী আৰু সংগীতজ্ঞ গুৰু ৰন্ধাৱা প্ৰেমত পৰাৰ খবৰ আহিছে। শেহতীয়াকৈ, এই প্ৰেমিকযুগলে গোৱাৰ সাগৰৰ পাৰত অন্তৰংগ মুহূৰ্ত অতিবাহিত কৰা দেখা গৈছে। উল্লেখ্য যে, পূৰ্বৰে পৰাই নোৰাৰ প্ৰেমত পৰাৰ গুঞ্জন উঠিছিল। এই গুঞ্জন এতিয়া বাস্তৱৰূপত প্ৰতিফলিত হোৱা দেখিবলৈ পোৱা গৈছে। শেহতীয়াকৈ নোৰা আৰু গুৰুৰ কেইবাখনো ছবি ছ’চিয়েল মিডিয়াত ব্যাপক ৰূপত ভাইৰেল হৈ পৰা দেখা গৈছে। ছবিসমূহত সাগৰৰ পাৰত দুয়ো হাতে-হাত ধৰি খোজকাঢ়ি থকা দেখা গৈছে। ৰঙা টপ-ক’লা চৰ্ট পৰিহিতা লাস্যময়ী নোৰাৰ কাষত প্ৰিণ্টেড ছাৰ্ট আৰু হাফপেণ্ট পিন্ধি থিয় দিছেহি প্ৰেমিক গুৰু!

তেওঁলোকৰ মুখত পৰিস্ফুট হাঁহি, অংগীভংগীত প্ৰেমৰ মুকলি প্ৰকাশ। ছবিকেইখন সামাজিক মাধ্যমত ভাইৰেল হৈ পৰাৰ পাছতে নেটিজেনসকলৰ মনত নানা প্ৰশ্নৰ উদয় হৈছে। পাছে গুৰু-নোৰা প্ৰেমত পৰিছে নে নাই সেই বিষয়ে মুকলিকৈ সদৰী কৰা নাই নোৰাই। উল্লেখ্য যে, নোৰা ফাতেহী এগৰাকী কানাডিয়ান অভিনেত্ৰী আৰু নৃত্যশিল্পী। বলীউডতো অনন্য স্বীকৃতি লাভ কৰিবলৈ সক্ষম হৈছে নোৰাই। নোৰাই নৃত্যই জোকাৰি গৈছিল বলীউড। ‘দিলবৰ'; 'চাকি চাকি'; 'গাৰ্মী'; 'কুচু কুচু' ইত্যাদিকে ধৰি কেইবাটাও গীতত কৰা উদ্যাম নৃত্যই আজিও মতলীয়া কৰে চলচ্চিত্ৰ প্ৰেমীক। আনহাতে গুৰু ৰন্ধাৱা ভাৰতৰ এজন পাঞ্জাৱী গায়ক। 'হাই ৰেটেড গব্ৰু', 'লাগদি লাহোৰ', 'মেড ইন ইণ্ডিয়া', 'চুট চুট'ৰ দৰে বহুতো ছুপাৰহিট গীত উপহাৰ দিছে অনুৰাগীক। এনে পৰিপ্ৰেক্ষিত দুয়োৰে যুটিক লৈ বহুজনে ইতিবাচক মন্তব্য কৰাও দেখিবলৈ পোৱা গৈছে। অৱশ্যে, তেওঁলোকৰ এই সম্পৰ্কৰ কথা মুকলিকৈ প্ৰকাশ কৰা লৈ অপেক্ষা কৰিব লাগিব অনুৰাগীয়ে…!