ডিজিটেল ডেস্কঃবুকাৰ বিজয়ী লেখক ছলমান ৰুশ্বদীৰ অলস্থা আজিও সংকটজনক হৈয়েই আছে। তেওঁৰ আৰোগ্যৰ বাবে বিশ্বজুৰি বহু লোকে প্ৰাৰ্থনা কৰিছে।শুকুৰবাৰে নিউয়ৰ্কৰ চৌটাউকুৱা প্ৰতিষ্ঠানত ছুৰীকাঘাত কৰি হত্যাৰ চেষ্টা চলাইছিল এজন যুৱকে। এই আক্ৰমণৰ ঘটনাৰ পিছৰে পৰা ৰুশ্বদীয়ে ভেণ্টিলেটৰত মৃত্যুৰ সৈতে যুঁজি আছে।তেওঁৰ ওপৰত হোৱা আক্ৰমণক লৈ গোটেই পৃথিৱী চিন্তিত হৈ পৰিছে। এই পৰিস্থিতিত আন এগৰাকী বিশ্ব বিখ্যাত লেখিকা হেৰী পটাৰৰ স্ৰষ্টা জে কে ৰাউলিঙে ৰুশ্বদীৰ আৰোগ্য কামনা কৰি এতিয়া মৃত্যুৰ ভাবুকি লাভ কৰিছে। মৌলবাদীয়ে ৰাউলিউৰ টুইটৰ তলত পোনপটীয়া এইবুলি ভাবুকি দিছে, 'এতিয়া আপোনাৰ পাল।'
ৰাউলিঙে ৰুশ্দীৰ ওপৰত হোৱা আক্ৰমণৰ প্ৰতিক্ৰিয়া স্বৰূপে টুইটাৰত এটা পোষ্ট কৰিছিল। তেওঁ কৈছিল যে ৰুশ্বদীৰ আক্ৰমণৰ খবৰটো পোৱাৰ পিছত তেওঁ অসুস্থ অনুভৱ কৰিছিল। তেওঁ ৰুশ্দীৰ আশু আৰোগ্য কামনা কৰিছে। সেই টুইটটোৰ তলত এজন ব্যৱহাৰকাৰী লিখিছে, "নাভাবিব। এতিয়া আপোনাৰ পাল। '
খবৰ অনুসৰি যিটো টুইটাৰ হেণ্ডেলৰ পৰা ভাবুকি দিয়া হৈছিল সেই টুইটাৰ হেণ্ডেলটোৱে ছলমান ৰুশ্দীক আক্ৰমণ কৰা হাদী মাতাৰক প্ৰশংসা কৰি পোষ্ট কৰিছিল। পিছত আন এটা পোষ্টত ৰাউলিঙে কৈছে যে আৰক্ষীয়ে ইতিমধ্যে তেওঁক ভাবুকি দিয়া বিষয়ত তদন্ত আৰম্ভ কৰিছে।ভাবুকি দিয়া লোক জনক চিনাক্ত কৰিবলৈ চেষ্টা কৰা হৈছে। ভাবুকি লাভ কৰাৰ পিছতে ৰাউলিঙৰ কাষত থিয় দিছে।
ইফালে ৰুশ্বদীৰ স্বাস্থ্যৰ অৱস্থা কালিৰ তুনাত আজি বহু ভাল। তথাপি তেওঁ এতিয়াও সংকটমুক্ত হোৱা নাই।শনিবাৰে সন্ধিয়া তেওঁক ভেণ্টিলেটৰৰ পৰা উলিয়াই অনা হৈছিল। তেওঁ লাহে লাহে কথা ক'ব পৰা হৈছে। লেখক আতিশ তাছিৰে ৰুশ্বদীৰ শেহতীয়া শাৰীৰিক অৱস্থাৰ বিষয়ে টুইট কৰিছে। তেওঁৰ টুইট অনুসৰি ৰুশ্বদী এতিয়া ভেণ্টিলেটৰত নাই।
আক্ৰমণকাৰী ২৪ বছৰীয়া হাদি মাটাৰক আৰক্ষীয়ে জেৰা চলাই আছে যদিও তেওঁ আক্ৰমণৰ কাৰণ সন্দৰ্ভত এতিয়াও মুখ খোলা নাই। নিউ জাৰ্চীৰ বাসিন্দা হাদি মাটাৰ এজন চিয়া উগ্ৰপন্থী বুলি আৰক্ষীয়ে সন্দেহ কৰিছে। আৰক্ষীৰ মতে আক্ৰমণটো "পূৰ্বপৰিকল্পিত" আছিল।
Continue Reading
