ডিজিটেল ডেস্ক; কণ কণ শিক্ষাৰ্থীৰ স্কুলবেগৰ বোজাক লৈ আলোচনা হৈ থাকে৷ কিন্তু, সময় আৰু পৰিস্থিতিৰ তাগিদাত পিঠিত কঢ়িয়াই নিবলগীয়া হয় স্কুলবেগৰ গধুৰ বোজা৷ চৰকাৰে শ্ৰেণী অনুযায়ী স্কুলবেগৰ ওজনো নিৰ্ধাৰণ কৰি দিছে৷ এইবাৰ স্কুলবেগৰ বোজাৰ পৰা শিক্ষাৰ্থীক ৰেহাই দিবলৈ নতুন নীতি প্ৰৱৰ্তন কৰিছে এখন চৰকাৰে৷
মধ্যপ্ৰদেশ চৰকাৰে ৰাজ্যখনত স্কুলবেগৰ ভাৰ হ্ৰাস কৰিবলৈ গ্ৰহণ কৰিছে এক নতুন পদক্ষেপ৷ এতিয়াৰে পৰা সপ্তাহৰ এটা দিনত শিক্ষাৰ্থীসকলে আন দিনাৰ দৰে বিদ্যালয়লৈ আহিব যদিও সেইদিনা তেওঁলোকৰ পিঠিত নাথাকিব স্কুলবেগ৷ শ্ৰেণী অনুযায়ী তাৰো তালিকা প্ৰস্তুত কৰিছে শিক্ষা বিভাগে৷ প্ৰতিখন বিদ্যালয়ে সেই তালিকা সকলোৰে দৃষ্টি পৰাকৈ আঁৰি থ’ব লাগিব৷
আনহাতে, হোমৱ’ৰ্কৰ মানসিক চাপ হ্ৰাস কৰিবলৈও বিশেষ উদ্যোগ লৈছে মধ্যপ্ৰদেশ চৰকাৰে৷ ৰাজ্যখনৰ শিক্ষা বিভাগে জনাইছে যে দ্বিতীয় শ্ৰেণী পৰ্যন্ত হোমৱ’ৰ্ক দিয়া নহ’ব৷ তৃতীয়ৰ পৰা পঞ্চম শ্ৰেণী পৰ্যন্ত মুঠ পাঁচঘণ্টাৰহে হোমৱ’ৰ্ক দিব পাৰিব৷ ষষ্ঠৰ পৰা অষ্টম শ্ৰেণীলৈ প্ৰতিদিনে এঘণ্টা আৰু নৱম-দশম শ্ৰেণীত দৈনিক দুঘণ্টাৰ বেছি হোমৱ’ৰ্ক দিব নোৱাৰিব বুলি চৰকাৰী নিৰ্দেশনাত প্ৰকাশ পাইছে৷
Continue Reading
