ডিজিটেল ডেস্কঃ ফেংছুইয়ে দিয়া বিধান মানি চলিলে ধন-সম্পত্তি বৃদ্ধি পায় বুলি বিশ্বাস কৰি অহা হৈছে৷ ফেংছুইয়ে সদায় সমৃদ্ধিৰ বাট দেখুৱায়। সঠিক ৰূপত যদি ফেংছুইৰ বিধি- বিধানসমূহ মানি চলা হয় তেন্তে মানুহে অতি কম দিনৰ ভিতৰতে সমৃদ্ধিৰ মুখ দেখিবলৈ সক্ষম হয় ।
ফেংছুই শাস্ত্ৰত সমৃদ্ধি বৃদ্ধিৰ বাবে দিয়া কেইটামান বিধি-বিধানৰ কথা ইয়াত চমুকৈ উল্লেখ কৰা হৈছে। এনে বিধি-বিধানসমূহ যথাযথভাৱে পালন কৰিব পাৰিলে মানুহ এজন কম দিনৰ ভিতৰতে সম্পদশালী হৈ উঠিব পাৰে।ফেংছুইৰ মতে আলহী বহা কোঠাত এটা টাবত মানি প্লেণ্ট ৰোপণ কৰিলে লাহে লাহে ধন-সম্পত্তি বৃদ্ধি পাবলৈ ধৰে।মানি প্লেন্ট ৰোপণ কৰা টাবটো আলহী বহা ঘৰৰ দক্ষিণ-পূব দিশত ৰাখিব লাগে। ফেংছুইৰ মতে দক্ষিণ-পূব দিশটো হৈছে ধন-সম্পত্তি লাভৰ দিশ ।
সেইবাবে এই দিশত মানি প্লেণ্ট ৰোপণ কৰা টাবটো ৰাখিলে যথেষ্ট সুফল লাভ কৰিব পাৰি। এনেধৰণৰ টাব ঘৰৰ পূব বা দক্ষিণ দিশতো ৰাখিলে একে ফলেই লাভ কৰিব পাৰি। আলহী বহা ঘৰৰ উপৰি কাৰ্যালয় গৃহতো এনে গছ ৰাখিব পাৰি। কিন্তু এটা কথা মনত ৰাখিব যে এনেধৰণৰ গছ কেতিয়াও স্নানাগাৰ অথবা শোৱনি কোঠাত নাৰাখিব । মানি প্লেণ্টৰ পাতবোৰ হৃদয় আকৃতিৰ সেউজীয়া বৰণৰ
হয়।
ঘৰত সৌভাগ্য বৃদ্ধিৰ বাবে তিনিঠেঙীয়া ভেকুলী ৰাখিব লাগে । তিনিঠেঙীয়া ভেকুলীটো অষ্টপদী আধাৰৰ ওপৰত ৰখা হয়। এনে ভেকুলীৰ মুখত চীনা মুদ্রা থাকে। চীনা মুদ্ৰাৰ এটা ফালে চাৰিটা আৰু আনটো ফালে দুটা চীনা ভাষাত লিখা সংকেত থাকে। এইখিনিতে মন কৰিবলগীয়া কথাটো হ'ল ভেকুলীৰ মুখত থকা মুদ্ৰাটোৰ ওপৰপিনে যাতে চাৰিটা সংকেত থকা ফালটোহে ৰখা হয় ।
এনেধৰণৰ তিনিঠেঙীয়া ভেকুলী ঘৰৰ মূল প্ৰৱেশদ্বাৰৰ পৰা কৌণিকভাৱে দুৱাৰৰ দিশলৈ মুখ কৰি ৰাখিব লাগে । ঘৰৰ আলহী বহা কোঠাত তিনিঠেঙীয়া ভেকুলী ৰাখিব পাৰি। অৱশ্যে এইক্ষেত্ৰত ভেকুলীৰ সংখ্যাৰ ওপৰত সৌভাগ্য বৃদ্ধিৰ কথাটো নিৰ্ভৰ কৰে। ঘৰৰ আলহী বহা কোঠাত সাধাৰণতে ৯টা, ৩টা বা ৬টা তিনি ঠেঙীয়া ভেকুলী ৰাখিব পাৰি । আলহী বহা কোঠাত ৰখা এই ভেকুলীবোৰ কেতিয়াও আনৰ চকুত পৰাকৈ ৰাখিব নালাগে ৷ এনে ভেকুলী চকী- মেজৰ তলত, চোফাৰ তলত আদি ঠাইত ৰাখিব লাগে ৷ মনত ৰাখিব যে শোৱনি কোঠাত কেতিয়াও এনে তিনি ঠেঙীয়া ভেকুলী ৰাখিব নালাগে ।
Continue Reading
