ডিজিটেল ডেস্কঃ ফতেহপুৰত এহাল বৃদ্ধ দম্পতীয়ে এঘণ্টাৰ ভিতৰতে প্ৰাণ ত্যাগ কৰিছে। পৰিয়াল তথা স্থানীয় লোকে তেওঁলোক দুয়োৰে মৃতদেহ একেখন চিতাতে তুলি অন্তিম সংস্কাৰ কৰে৷
উঞ্চা গাঁৱৰ চৰকাৰী উচ্চতৰ মাধ্যমিক বিদ্যালয়ৰ অধ্যাপক বিবেক গৌৰৰ মাতৃ ভাগৱতী দেৱীয়ে (৮৮) ঘৰত শেষ নিশ্বাস ত্যাগ কৰে।
যেতিয়া তেওঁ তেওঁৰ বৃদ্ধা মাতৃৰ অন্ত্যেষ্টিক্ৰিয়াৰ বাবে প্ৰস্তুতি চলাই আছিল, তেতিয়াই তেওঁৰ পিতৃ চান্দিৰাম শৰ্মাৰো মৃত্যু ঘটে৷ বৃদ্ধগৰাকীৰ বয়স ৯০ বছৰতকৈও অধিক আছিল। পিছত দুয়োৰে মৃতদেহ স্থানীয় লোকে বেণ্ড বজাই শ্মশানলৈ নিয়ে আৰু অন্তিম সংস্কাৰ কৰে৷ পত্নীয়ে মৃত্যুবৰণ কৰাৰ প্ৰায় ৪০ মিনিট পিছত স্বামীয়েও মৃত্যুবৰণ কৰাৰ ঘটনাই বহুতকে আচৰিত কৰি তুলিছে৷ পতি-পত্নীৰ এনে মৃত্যুৱে দুয়োৰে মাজত থকা মৰমকেই প্ৰতিফলিত কৰা বুলি বহুতে মন্তব্য কৰিছে৷
Continue Reading
