ফিনিক্স চৰাইৰ ৰূপত পুনৰ জনম লৈছে কংগ্ৰেছে! ২০১৪ আৰু ২০১৯ চনৰ বিফলতাৰ পিছত এইবাৰ বিৰিঙিছে হাঁহি

 পূৰ্বৰ দুটা নিৰ্বাচনৰ তুলনাত কংগ্ৰেছে এইবাৰ চমৎকাৰী  জয় লাভ কৰিবলৈ সাজু হৈছে।  কংগ্ৰেছে যেন এই লোকসভা নিৰ্বাচনত ফিনিক্স চৰাইৰ দৰে পুনৰ জন্ম লাভ কৰিছে। ২০১৪ আৰু ২০১৯ৰ ব্যৰ্থতাৰ পিছত কংগ্ৰেছে ১০০ খনতকৈও অধিক আসন লাভ কৰিবলৈ ওলাইছে! আনহাতে, ২২৭ খন আসনত আগবাঢ়ি আছে ইণ্ডিয়া এলায়েন্স ।২০১৪ চনত ছোনিয়া গান্ধীৰ দলে ৪৪ খন আসন লাভ কৰিছিল। ২০১৯ চনত পূৰ্বৰ সংখ্যাৰ সৈতে  ৮ খন আসন সংযোজন হৈছিল,  অৰ্থাৎ যোৱা লোকসভা নিৰ্বাচনত কংগ্ৰেছে মুঠ ৫২ খন আসন লাভ কৰিছিল। ইয়াৰ লগে লগে তেতিয়াৰ  ইউ পি এৰ মিত্ৰজোঁটৰ দুৰ্ভাগ্যজনক পৰাজয় আৰম্ভ হৈছিল । কিন্তু এইবাৰ দুপৰীয়া ১২ বজা পৰ্যন্ত ২৩০খন আসনত আগবাঢ়ি আছে কংগ্ৰেছ নেতৃত্বাধীন ইণ্ডিয়া মিত্ৰজোঁট।  বৰ্তমান ২৯০খন আসনেৰে আগবাঢ়ি আছে এনডিএ। অন্যান্যই  ২০খন আসনত আগবাঢ়ি আছে। ফলাফল যিয়েই নহওঁক, আচল কথাটো হ’ল কংগ্ৰেছৰ এইবাৰ নৱজাগৰণ হৈছে।