ডিজিটেল ডেস্কঃ যৌন আতিশয্যৰ অভিযোগ, গ্ৰেপ্তাৰৰ ভয়ত বিদেশলৈ পলায়ন আৰু পিছত দেশলৈ উভতি আহি গ্ৰেপ্তাৰ হোৱা প্ৰজ্জ্বল ৰেভান্নাই পিছতে ভোটযুদ্ধত আগুৱাই আছে। হাছান লোকসভা আসনত তেওঁ আগবাঢ়ি আছে। দুপৰীয়ালৈকে প্ৰাক্তন প্ৰধানমন্ত্ৰী দেৱগৌড়াৰ নাতি তথা কৰ্ণাটকৰ প্ৰাক্তন মুখ্যমন্ত্ৰী এইচ ডি কুমাৰস্বামীৰ ভতিজাক জেডিএছ নেতা ৰেভান্না সমষ্টিটোৰ পৰা অগ্ৰগতি লাভ কৰি আছে। কংগ্ৰেছৰ শ্ৰেয়াছ পেটেলৰ তুলনাত প্ৰজ্জ্বল ৰেভান্নাই ১৩,৫০০ৰো অধিক ভোটত আগগবাঢ়ি আছে। ২০১৯ চনৰ সাধাৰণ নিৰ্বাচনত তেওঁ হাছানৰ পৰা ১.৪ লাখৰো অধিক ব্যৱধানত জয়লাভ কৰিছিল।
প্রাক্তন প্রধানমন্ত্রী দেৱগৌড়াৰ নাতি তথা কর্নাটকৰ প্রাক্তন মুখ্যমন্ত্রী এইচ ডি কুমাৰস্বামীৰ ভতিজাক প্রজ্জ্বল ৰেভান্নাই সমষ্টিটোত ভোটদান হোৱাৰ এদিন পিছত, ২৭ এপ্ৰিলত জাৰ্মানীলৈ ৰাওনা হৈছিল ।
তেওঁৰ বিৰুদ্ধে উত্থাপিত অভিযোগৰ তদন্তৰ বাবে বিশেষ তদন্তকাৰী দল গঠন কৰা হৈছিল আৰু সাংসদগৰাকীৰ সন্ধান উলিওৱাত সহায়ক হোৱাকৈ ব্লু কৰ্ণাৰ জাননীও জাৰি কৰা হৈছিল। অৱশেষতবহু সতৰ্কবাণীৰ পিছত জেডিএছৰ নেতাগৰাকী ভাৰতলৈ উভতি আহি ৩১ মে’ৰ পুৱাৰ ভাগত গ্ৰেপ্তাৰ হৈছিল।
Continue Reading
