ডিজিটেল ডেস্ক: পুনৰ সংবাদ শিৰোনানলৈ আহিছে নুছৰত জাহান৷ শেহতীয়া খবৰ অনুসৰি, প্ৰৱৰ্তন সঞ্চালকালয়ে (ইডি)ত অভিনেতা-ৰাজনীতিবিদ তথা তৃণমূল কংগ্ৰেছ সাংসদ নুছৰত জাহানৰ বিৰুদ্ধে বিত্তীয় অনিয়মৰ অভিযোগ দাখিল কৰা হৈছে৷ বিজেপি নেতা শংকুদেব পাণ্ডাই জাহানৰ বিৰুদ্ধে ইডিৰ চল্ট লেক কাৰ্যালয়ত অভিযোগ দাখিল কৰিছিল।
কেন্দ্ৰীয় সংস্থাৰ ওচৰত কৰা অভিযোগত কোৱা হৈছিল যে ছেভেন চেঞ্চ ইনফ্ৰাষ্ট্ৰাকচাৰ প্ৰাইভেট লিমিটেড নামৰ উক্ত সংস্থাটোৱে প্ৰতাৰিত বিনিয়োগকাৰীসকলৰ পৰা চাৰি বছৰৰ ভিতৰত যুক্তিসংগত হাৰত আৱাসিক ফ্লেটৰ প্ৰতিশ্ৰুতি দি প্ৰায় ৬,০০,০০০ টকা লাভ কৰিছিল। যদিও তেওঁলোকে এতিয়ালৈকে সেই আৱাসিক ফ্লেটবোৰ লাভ কৰা নাছিল৷ অভিযোগ অনুসৰি, উক্ত সংস্থাটোৰ সঞ্চালকসকলে তেওঁলোকৰ নিজৰ ফ্লেট নিৰ্মাণৰ বাবে সেই ধন ব্যৱহাৰ কৰিছিল বুলি অভিযোগ কৰা হৈছে।
এইটো বিত্তীয় কেলেংকাৰীৰ এটা স্পষ্ট ঘটনা। বিষয়টোত আদালতত আগতে এটা গোচৰ ৰুজু কৰা হৈছিল। আদালতে আনকি তৃণমূল কংগ্ৰেছৰ সাংসদক আদালতত উপস্থিত থাকিবলৈ কৈছিল, যিটো তেওঁ অস্বীকাৰ কৰিছিল। গতিকে আমি বিষয়টোত ইডিৰ কাষ চাপিবলৈ বাধ্য হৈছোঁ’, অভিযোগ দাখিল কৰা বিজেপি নেতাজনে কয়। এই সন্দৰ্ভত জাহানৰ পৰা এতিয়ালৈকে কোনো সঁহাৰি পোৱা হোৱা নাই। ২০১৯ৰ লোকসভা নিৰ্বাচনত নুছৰত জাহানক উত্তৰ ২৪ পৰগণা জিলাৰ বাছিৰহাট লোকসভা সমষ্টিত প্ৰাৰ্থিত্ব প্ৰদান কৰা হৈছিল, য’ত অভিনেত্ৰীগৰাকীয়ে সফলতাৰে প্ৰতিদ্বন্দ্বিতা কৰিছিল।
Continue Reading
