ডিজিটেল ডেস্কঃ শান্ত হোৱা নাই মণিপুৰ। ৰাজ্য খনত শনিবাৰে নিশাও সংঘটিত হয় ভয়ংকৰ সংঘৰ্ষৰ ঘটনা। এই সংঘৰ্ষত পাঁচজন লোক নিহত হৈছে।নিহতসকলৰ ভিতৰত মেইটেই সম্প্ৰদায়ৰ তিনিজন আৰু কুকি-জোমি সম্প্ৰদায়ৰ দুজন লোক আছে বুলি জানিব পৰা গৈছে।
ৰাজ্যখনত নিশাৰ ভাগলৈকে হিংসাত্মক ঘটনা সংঘটিত হৈ থাকে। চুৰাচান্দপুৰ জিলাৰ সীমামূৰীয়া এলেকাত তীব্ৰ গুলীচালনাৰ ঘটনা সংঘটিত হোৱাৰ লগতে চুৰাচান্দপুৰ জিলাৰ কুকি-জোমী অধ্যুষিত হোৱাৰ লগতে ইম্ফলত অগ্নিসংযোগৰ ঘটনা ঘটে। আৰক্ষীয়ে প্ৰকাশ কৰা মতে শনিবাৰে পুৱতি নিশা মেইটেই সম্প্ৰদায়ৰ তিনিজন লোকক বিষ্ণুপুৰ জিলাৰ কোৱাকটাত দুৰ্বৃত্তই হত্যা কৰিছে৷ তেওঁলোকক য়ুমনাম জিতেন মেইটেই (৪৬), য়ুম্নাম পিশাক মেইটেই (৬৭) আৰু তেওঁৰ পুত্ৰ য়ুমনাম প্ৰেমকুমাৰ মেইটেই (৩৯) বুলি চিনাক্ত কৰা হৈছে। তেওঁলোক কোৱাকটা ৱাৰ্ড ৮-ৰ বাসিন্দা আছিল। মেইটেই অধ্যুষিত কোৱাকটাৰ বেছিভাগ বাসিন্দা মুছলমান মেইটেই পাঙ্গাল সম্প্ৰদায়ৰ লোক।
আৰক্ষীয়ে কয় যে আক্ৰমণকাৰীসকল চুৰাচান্দপুৰৰ পৰা আহিছিল।এজন আৰক্ষী বিষয়াই কয় " তিনিওজন সাহায্য শিবিৰত আছিল কিন্তু পৰিস্থিতি উন্নত হোৱাৰ বাবে শুকুৰবাৰে কোৱাকটাত থকা তেওঁলোকৰ বাসগৃহলৈ উভতি গৈছিল," । ঘটনাটোৰ ঠিক পিছতে, একাংশ জনতাই কোৱাকটাত একত্ৰিত হৈ চুৰাচান্দপুৰ অভিমুখে যাব বিচাৰিছিল, কিন্তু নিৰাপত্তাৰক্ষীয়ে তেওঁসোক বাধা দিয়ে।
ইপিনে শনিবাৰে পুৱা কোৱাকতাৰ ওচৰত আৰক্ষী আৰু উগ্ৰপন্থীৰ মাজত হোৱা প্ৰচণ্ড গুলীয়াগুলীতএজন আৰক্ষী আহত হয়।আৰক্ষীজনৰ মুখত স্প্লিণ্টাৰ আঘাত লাগিছে । এই ঘটনাত আন দুজন অসামৰিক লোকো আহত হয়। তিনিওজনকে ইম্ফলৰ ৰাজ মেডিচিটিলৈ অনা হৈছে। তেওঁলোক বিপদমুক্ত বুলি চিকিৎসকে প্ৰকাশ কৰিছে। ইফালে জিলা প্ৰশাসনে ইম্ফলৰ বহু ঠাইত কাৰফিউ শিথিলকৰণৰ সময় হ্ৰাস কৰিছে।
Continue Reading
