চুলি সুন্দৰ কৰি ৰাখিবলৈ মহিলাসকলে প্ৰতিদিনে খাওক এইবোৰ বস্তু

ডিজিটেল ডেস্কঃ  চুলিয়ে মানুহৰ সৌন্দৰ্য্য বৃদ্ধি কৰে। চুলি ডাঠ, দীঘল আৰু ধুনীয়া হোৱাটো বহুলাংশে জিন আৰু আপোনাৰ চিকিৎসাজনিত অৱস্থাৰ ওপৰত নিৰ্ভৰ কৰে। কিন্তু আপোনাৰ চুলিৰ সৌন্দৰ্য্যও নিৰ্ভৰ কৰে আপোনাৰ খাদ্য-পানীয়ৰ ওপৰত।

বহুতো কাৰকে আপোনাৰ চুলিৰ স্বাস্থ্য আৰু ইয়াৰ দ্ৰুত বৃদ্ধি প্ৰক্ৰিয়াত প্ৰভাৱ পেলায়। যদিও আপুনি আপোনাৰ জিন, বয়স বা চিকিৎসাৰ অৱস্থা সলনি কৰিব নোৱাৰে, তথাপিও খাদ্যৰ কাৰকসমূহ নিয়ন্ত্ৰণ কৰিব পাৰে।

দুৰ্বল চুলি আৰু চুলি সৰাটো পুষ্টিকৰ উপাদানৰ অভাৱৰ লক্ষণ হ’ব পাৰে। আপোনাৰ মূৰৰ ছালত থকা চুলিৰ গুৰিবোৰে চুলিৰ বৃদ্ধিত সহায় কৰে। ৰাসায়নিক দ্ৰব্য, অত্যধিক তাপ, আঘাত আৰু পুষ্টিৰ অভাৱে এই ফোলিকলবোৰক ক্ষতিগ্ৰস্ত কৰি চুলিৰ বৃদ্ধি বন্ধ কৰি চুলি সৰাব পাৰে। গতিকে ইয়াৰ পৰা হাত সাৰিবলৈ তৎক্ষণাত কিছুমান বস্তু খাদ্য তালিকাত অন্তৰ্ভুক্ত কৰা উচিত।

১) চৰ্বিহীন প্ৰটিন:  কুকুৰা আৰু মাছৰ মাংসত ক্ষীণ প্ৰটিন আৰু আইৰণ পোৱা যায়। চুলিকে ধৰি আপোনাৰ শৰীৰৰ প্ৰতিটো গঠনৰ বাবে প্ৰটিন অতি প্ৰয়োজনীয়। আচলতে আপোনাৰ চুলি (লগতে আপোনাৰ ছাল আৰু নখ) কেৰাটিন নামৰ প্ৰটিনৰ দ্বাৰা গঠিত। প্ৰটিনৰ বাবে কণী, পনীৰ, টফু আৰু ছয়াবিনো খাব পাৰে।

একেদৰে আইৰণে আপোনাৰ শৰীৰৰ সকলো কোষলৈ অক্সিজেন পৰিবহণ কৰে, যিয়ে চুলিৰ বৃদ্ধিত সহায় কৰে। আইৰণৰ অভাৱত (ৰক্তহীনতা) চুলি গজাতকৈ বেছি সোনকালে সৰি যাব পাৰে। গতিকে শৰীৰত এই দুয়োটাৰে অভাৱ হ’বলৈ নিদিব।

২) ওমেগা-৩ সমৃদ্ধ খাদ্য: চৰ্বিযুক্ত মাছত ওমেগা-৩ ফেটি এচিড বেছি থাকে। এই স্বাস্থ্যকৰ চৰ্বিৰ এন্টি-ইনফ্লেমেটৰী গুণ আছে যিয়ে অক্সিডেটিভ ষ্ট্ৰেছ কমায়। চিয়া আৰু ফ্লেক্স গুটিও ইয়াৰ ভাল উৎস।

৩) দৈনিক কণী খাব লাগে:  কণীৰ কুহুমত বায়’টিনৰ পৰিমাণ বেছি। এই ভিটামিন বিয়ে কেৰাটিন তৈয়াৰ কৰাত সহায় কৰে। বায়’টিনৰ মাত্ৰা কম হোৱা আৰু চুলি সৰাৰ মাজত সম্পৰ্ক আছে।

৪) গোটা শস্যৰ পৰিমাণ বৃদ্ধি কৰক:  গোটা শস্যত চেলেনিয়াম থাকে, যিটো এটা অপৰিহাৰ্য খনিজ। ই আপোনাৰ থাইৰয়ড গ্ৰন্থি সুস্থ কৰি ৰাখে। থাইৰয়ড ৰোগে আপোনাৰ চুলিৰ বৃদ্ধিত বেয়া প্ৰভাৱ পেলায়।