ডিজিটেল ডেস্কঃ জীৱ-জন্তুক শান্তিৰে থাকিব দিয়াটো সকলোৰে কৰ্তব্য। কেতিয়াবা জন্তুক অশান্তি দি বহুতেই বহু অঘটনৰ সন্মুখীন হৈছে। বনৰজাই নিজৰ পৰিসৰৰ ভিতৰতে খোজকাঢ়ি আছিল। সেই সময়তে পৰ্যটকসকলে বনৰজাৰ কাষতে ভিৰ কৰিছিল। গৰালত বন্দী বনৰজাকলৈ বহুত তামাছা কৰিবলৈ আৰম্ভ কৰিছিল।
পৰ্যটকসকলে পশুৰাজৰ সৈতে ফটো তোলাত ব্যস্ত হৈ পৰিছিল।কিছুমানে চেলফি লৈ আছিল, কিছুমানে পশুৰাজৰ ৰাজকীয় খোজকঢ়া দৃশ্যৰ চিত্ৰগ্ৰহণ কৰি আছিল। পৰ্যটকসকলে আনন্দত ফটো উঠি আছিল। পিঞ্জৰাত বন্দী হৈ থকা বনৰজা যেন অতিষ্ঠ হৈ পৰিছিল।
হয়তো বনৰজাই ইমান হুলস্থুল ভাল পোৱা নাছিল।সেয়ে বনৰজাই হঠাতে পৰ্যটকসকলৰ ওচৰলৈ আহিল আৰু তেওঁলোকৰ ওপৰতে প্ৰস্ৰাৱ কৰি দিলে।
পৰ্যটকসকলে এনে পৰিস্থিতিৰ সন্মুখীন হ’ব বুলি ভুলতো ভাবিব পৰা নাছিল।বনৰজাৰ প্ৰস্বাৱ গাত চিটিকি পৰাৰ পিছতে বহু পৰ্যটক পিচুৱাই আহিস। ঘটনাটো ত্ৰিপুৰাৰ চিপাহিজালা বন্যপ্ৰাণী অভয়াৰণ্যৰ বুলি ছ’চিয়েল মিডিয়াত দাবী কৰা হৈছে । ছ’চিয়েল মিডিয়াত ভাইৰেল হৈ পৰা ভিডিঅ’টোৱে বহুতোকে আমোদ দিছে।
Continue Reading
