ডিজিটেল ডেস্কঃ ফুড ডেলিভাৰী বেগত এটা মামী উদ্ধাৰ হৈছে। তাৰপাছতে চৌদিশে হুলস্থুলীয়া পৰিৱেশ। বিজ্ঞানীসকলে অনুমান কৰিছে যে খাদ্যৰ মোনাৰ পৰা উদ্ধাৰ হোৱা মমিৰ বয়স ৬০০ৰ পৰা ৮০০ বছৰ।
ঘটনাটো সংঘটিত হৈছে লেটিন আমেৰিকান দেশ পেৰুত। দেশখনৰ আৰক্ষীয়ে গ্ৰেপ্তাৰ কৰিছে অভিযুক্ত যুৱক জুলিও চেজাৰ বাৰ্মেজোক। সম্প্ৰতি তেওঁৰ মানসিক স্বাস্থ্যৰ পৰীক্ষা চলি আছে।
যোৱা শনিবাৰে সন্ধিয়া পেৰুৰ পুমো চহৰৰ এখন ভিৰ কৰা পাৰ্কত কেইজনমান যুৱকে বহি মদ খাই আছিল। আৰক্ষীয়ে গোপন সূত্ৰৰ পৰা তথ্য লাভ কৰিলে যে সেই যুৱককেইজনৰ লগত খাদ্য যোগানৰ বেগত ভৰ্তি হৈ আছে এটা মামী!
পুমো আৰক্ষীয়ে কয় যে এজন ২৬ বছৰীয়া যুৱকৰ কাষত ৰখা ডেলিভাৰী বেগৰ পৰা এটা মামী উদ্ধাৰ কৰা হৈছে। কোম্পানীটোৱে লেটিন আমেৰিকাত এপৰ জৰিয়তে খাদ্য যোগান ধৰে। যোগানকাৰীক এনে ৰঙা বেগ দিয়া হয়। সেই বেগটোত জুলিঅ’ই মামীটো ঘৰলৈ লৈ গৈ আছিল। সম্প্ৰতি জুলিঅ’ৰ মানসিক স্বাস্থ্য পৰীক্ষা কৰা হৈছে। মামীটোকো পেৰুৰ সংস্কৃতি মন্ত্ৰালয়লৈ গটোৱা হৈছে।
সংবাদ সংস্থা এ এফ পিৰ মতে, ২৬ বছৰীয়া জুলিওৱে মামীটোক নিজৰ ‘আধ্যাত্মিক প্ৰেমিকা’ বুলি অভিহিত কৰিছে। তেওঁৰ দাবী যে মামীটোৰ প্ৰকৃত নাম ‘জুয়ানিটা’। জুলিঅ'ই ক'লে, "জুয়ানিতা মোৰ ঘৰতে থাকে। মোৰ লগত শোৱে। মই তেওঁৰ যত্ন লওঁ।''
উল্লেখ্য যে শেহতীয়াকৈ পেৰুত কেইবাটাও মামী উদ্ধাৰ হৈছে। বিজ্ঞানীসকলৰ মতে, সেই মামীবোৰৰ বয়স প্ৰায় ৮০০ৰ পৰা ১২০০ বছৰ। জুলিঅ’ই এনেকুৱা এটা মামীক প্ৰেমিকা বনাই বেগত ভৰাই ঘৰলৈ লৈ গৈছিল।
Continue Reading
