ডিজিটেল ডেস্কঃ শিক্ষাৰ বাবে বয়স নাই! সেই কথা পুনৰ প্ৰমাণ কৰিলে ৮৭ বছৰীয়া এগৰাকী বৃদ্ধাই। ইজিপ্তৰ জুবাইদা আব্দেল নামৰ বৃদ্ধাগৰাকীয়ে সৰুৰে পৰা শিক্ষাৰ প্ৰতি আকৰ্ষিত আছিল যদিও পৰিয়ালৰ হেঁচাত পঢ়া-শুনা কৰিবলৈ সময় আৰু সুযোগ নাপালে।
জুবাইদা আব্দেলে এতিয়া শিক্ষা অব্যাহত ৰখাৰ সপোন দেখিছে। বৰ্তমান তেওঁৰ জীৱনৰ লক্ষ্য হৈছে সাক্ষৰতাৰ প্ৰমাণ পত্ৰ লাভ কৰা। তেওঁ কয় যে তেওঁ জীৱনত অন্ততঃ এজন মানুহক শিক্ষিত কৰিব পাৰিলেও তেওঁৰ জীৱনটো মূল্যৱান।
ইজিপ্তৰ বাসিন্দাসকলৰ মাজত চৰকাৰে সাক্ষৰতা অভিযান আৰম্ভ কৰিছে। আৰু এই কাৰণেই জুবাইদাৰ দৰে আন বহুতেই বৃদ্ধ বয়সত পুনৰ শিক্ষাৰ সুযোগ পালে।
আঠটা সন্তানৰ মাতৃ জুবাইদা। এজন পুত্ৰ আৰু এগৰাকী কন্যাক হেৰুৱালে। ১৪ গৰাকী নাতি-নাতিনীৰে ভৰি আছে জুবাইদাৰ পৰিয়াল। সৰুৰে পৰা শিক্ষা শিকিব বিচাৰিছিল। কিন্তু পিতৃৰ ৰক্ষণশীল মনোভাৱৰ বাবে তেওঁ সেই সুযোগ নাপালে।
দেউতাকৰ মৃত্যুৰ পিছত জুবাইদাই ভনীয়েকহঁতক পঢ়া-শুনা কৰিবলৈ বাধ্য কৰাইছিল। কিন্তু নিজৰ বাবে চিন্তা কৰাৰ কোনো সুযোগ নাছিল। ১৮ বছৰ বয়সত তেওঁৰ বিয়া হৈছিল। নিজৰ ল’ৰা-ছোৱালীকো তেওঁ স্কুলত ভৰ্তি কৰাইছিল।
চৰকাৰৰ পৰা পঢ়া-শুনাৰ সুযোগ পাই জুবাইদাই খুব সুখী। ইজিপ্ত চৰকাৰৰ এই পদক্ষেপ ২০২২ চনৰ জুলাই মাহৰ পৰা আৰম্ভ হৈছিল। যোৱা ডিচেম্বৰৰ শেষলৈকে সমগ্ৰ দেশৰ প্ৰায় ৯০০০ লোকে এই প্ৰকল্পত অংশগ্ৰহণ কৰিছে।
Continue Reading
