ডিজিটেল ডেস্কঃ প্ৰেমিকৰ সৈতে বিদেশ ভ্ৰমণ কৰি থাকোঁতে যুৱতীগৰাকীয়ে আন এজন যুৱকৰ প্ৰেমত পৰিল, আৰু অৱশেষত বিয়াও পাতিলে। ২৮ বছৰীয়া মহিলাগৰাকীৰ নাম কাৰা। প্ৰেমিক, বন্ধু আৰু ভনীয়েকৰ সৈতে আমেৰিকাৰ ফ্ল’ৰিডালৈ ছুটীত গৈছিল। তাত তেওঁ জেমছৰ লগত কথা পাতিলে। জেমছেও বন্ধু-বান্ধৱীৰ সৈতে ছুটীত ফ্ল’ৰিডালৈ গৈছিল। প্ৰেমিকৰ লগত থাকিলেও জেমছক দেখা পাই কাৰাই ভাল পায়।
কাৰাৰ দলৰ লগত কথা পতাৰ পিছত জেমছ আৰু তেওঁৰ সংগীসকলে একেলগে সময় কটাবলৈ আৰম্ভ কৰিলে। কাৰাই কয়, “জেমছৰ চকু আৰু হাঁহিটোৱে মোক মুগ্ধ কৰি তুলিছিল। কথা-বতৰাৰ পিছত গম পালোঁ যে তেওঁৰ লগত মোৰ ভাল মিল আছে। মোৰ দেউতা এজন ব্ৰেক ডান্সাৰ। তেওঁ মোক নৃত্য শিকাইছিল। দেউতাৰ দৰে ভাল নৃত্যশিল্পী মই খুব কমেইহে দেখিছো। কিন্তু জেমছৰ নৃত্যই মোক আচৰিত কৰি তুলিলে।''
প্ৰথম কথা পতাৰ অন্তত সিহঁতে ইজনে সিজনৰ নম্বৰ লৈ গ'ল। প্ৰথমে মেছেজ আৰু তাৰ পিছত ফোনত ঘণ্টাৰ পিছত ঘণ্টা কথা-বতৰা। জেমছে ফ্ল’ৰিডাৰ এটা বিলত কাৰাক প্ৰস্তাৱ দিছিল। কাৰাওৱে চিন্তা নকৰাকৈয়ে জেমছৰ প্ৰস্তাৱত সন্মতি দিলে। সেই বছৰতে কাৰা আৰু জেমছৰ বিয়া হৈছিল।
Continue Reading
