ফুটবল নহয়, কাটাৰত হাহাকাৰ পত্নীক লৈ! নিজ দলৰ সতীৰ্থৰ বিৰুদ্ধেই চাঞ্চল্যকৰ অভিযোগ আনিলে ছাৰ্বিয়াৰ গ’লকীপাৰে, কিন্তু কি অভিযোগ আনিলে তেওঁ?

ডিজিটেল ডেস্কঃ কাটাৰ বিশ্বকাপত শুক্ৰবাৰে চুইজাৰেণ্ডৰ বিৰুদ্ধে শেষ মেচত অৱতীৰ্ণ হ’ল আণ্ডাৰডগ চাৰ্বিয়া। তাৰপূৰ্বে নিজ দলৰ সতীৰ্থৰ বিৰুদ্ধেই এটা গুৰুত্বৰ অভিযোগ আনে চাৰ্বিয়াৰ গ’লকীপাৰ প্ৰেদ্ৰাগ ৰাজকোভিচে।

চাৰ্বিয়াৰ ষ্ট্ৰাইকাৰ দুচান ভ্লাহোভিচে গ’লকীপাৰগৰাকীৰ পত্নীৰ স’তে অবৈধ সম্পৰ্ক স্থাপনৰ অভিযোগ অনা হৈছে। গ’লকীপাৰ প্ৰেদ্ৰাগৰ অভিযোগ অনুসৰি, দুচানে তেওঁৰ পত্নীৰ স’তে বিশ্বকাপৰ মাজতে নৈশযাপনো কৰিছে।

চাৰ্বিয়াৰ এখন সংবাদপত্ৰত এই সম্পৰ্কে বাতৰি প্ৰকাশ পোৱাৰ পাছতে বিষয়টোৱে চৰ্চা লাভ কৰিছে। এই সম্পৰ্কে তাৎক্ষণিক প্ৰতিক্ৰিয়াও ব্যক্ত কৰিছে অভিযুক্ত দুচানে। সাংবাদিক বৈঠক আহ্বান কৰি তেওঁ কয় যে তেওঁৰ বিৰুদ্ধে মিছা ৰটনা কৰা হৈছে।

''সাধাৰণতে এইধৰণৰ কথাত মই পাত্তা নিদিও। কিন্তু দলৰ স্বাৰ্থত মই মুখ খুলিছো। মই এই সকলো অস্বীকাৰ কৰিছো।’’- ষ্ট্ৰাইকাৰগৰাকীয়ে কয়।

উল্লেখ্য যে শুক্ৰবাৰে চুইজাৰলেণ্ডৰ বিৰুদ্ধে জিকিলে বা ড্ৰ’ কৰিলে ৰাউণ্ড অৱ চিক্সটিনলৈ গ’লহেঁতেন চাৰ্বিয়া। কিন্তু ৩-২ ব্যৱধানত চুইজাৰলেণ্ডৰ হাতত পৰাস্ত হয় দলটো।