ডিজিটেল ডেস্কঃ ১৭ বছৰৰ পিছত সলনি হ’ল টুইটাৰৰ ল’গ’। নীলা চৰাইৰ সলনি এতিয়া টুইটাৰৰ ল’গ’ত বাদামী ৰঙৰ বিমূৰ্ত ছবি দেখা গৈছে। টুইটাৰৰ বছ ইলন মাস্কে নিজেই মাইক্ৰ’ব্লগিং চাইটত নতুন ল’গ’টোৰ এখন ছবি পোষ্ট কৰে।
সোমবাৰৰ পৰা টুইটাৰ খুলি ব্যৱহাৰকাৰীয়ে এই নতুন ল’গ’টো চাব পাৰিব। চিনাকি নীলা চৰাইটো হোমপেজৰ পৰা উৰি গৈছে। এটা শিবা ইনু প্ৰজাতিৰ কুকুৰে চৰাইটোৰ ঠাই লৈছে। অৱশ্যে এই কুকুৰটো নেট জগততো যথেষ্ট জনপ্ৰিয়। কুকুৰৰ ছবিখন ড’জক’ইন নামৰ ক্ৰিপ্টোকাৰেন্সীৰ ল’গ’ হিচাপে ব্যৱহাৰ কৰা হয়।
টুইটাৰৰ নতুন লগ’টোক লৈ মাস্কে এটা টুইট কৰিছে৷ তাত এখন ছৱি দেখা গৈছে৷ য’ত এটা কুকুৰে এজন পুলিচ অফিচাৰক নিজৰ পৰিচয় পত্ৰ দেখুৱাই কৈছ যে সেইখন পুৰণি ফটো৷ পুৰণি ফটোৰে টুইটাৰৰ পৰিচিত চৰাইজনীক দেখুওৱৈা হৈছে৷
অৱশ্যে মোবাইলত টুইটাৰ খুলিলে পুৰণি চৰাইৰ ল’গ’টোৱে দেখা যায়। ডেস্কটপ বা লেপটপৰ পৰা খুলিলেহে নতুন ল’গ’টো দেখা যায়। আশে-পাশে প্ৰশ্ন উত্থাপন হৈছে, মাস্কে কিয় আন এটা কোম্পানীৰ ল’গ’ ব্যৱহাৰ কৰিছে? আনহাতে, টুইটাৰৰ ল’গ’ সলনি হোৱাৰ পিছত ড’জক’ইনৰ মাৰ্কেট কেপ ৩০ শতাংশ বৃদ্ধি পাইছে।
Continue Reading
