ডিজিটেল ডেস্ক: আপুনি নিশ্চয় সাপৰ বহু বিপদজনক ভিডিঅ' দেখিছে, কিন্তু আজি আমি আপোনালোকক দেখুৱাবলৈ ওলোৱা ভিডিঅ'টো চোৱাৰ পাছত আপোনাৰো বিশ্বাস নহ'ব। ভিডিঅ’টোত চিকিৎসকে এগৰাকী মহিলাৰ মুখৰ পৰা বিপজ্জনক সাপ উলিয়াই দিয়া দেখা গৈছে। এজন চিকিৎসকে ৰাছিয়ান মহিলাএগৰাকীৰ মুখৰ পৰা উলিয়াই আনিলে এটা বিপদজনক আৰু প্ৰায় ৪ ফুট দীঘলীয়া এটা সাপ। এই সাপটো মহিলাগৰাকীৰ মুখত প্ৰৱেশ কৰিছিল যেতিয়া তেওঁ দুৰ্ঘোৰ নিদ্ৰাত বিলীন হৈ আছিল।
ভাইৰেল ভিডিঅ’টোত দেখা গৈছে যে অপাৰেচন থিয়েটাৰত এগৰাকী মহিলা অচেতন হৈ পৰি আছে। চিকিৎসকে সাপটোৰ মুখৰ পৰা অস্ত্ৰোপচাৰ কৰি উলিয়াই আনিছে। এগৰাকী মহিলা চিকিৎসকে মহিলাগৰাকীৰ মুখত অস্ত্ৰোপচাৰৰ যন্ত্ৰটো সুমুৱাই সাপটো উলিয়াই আনিছে। আটাইতকৈ আচৰিত কথাটো হ’ল মহিলাগৰাকীৰ মুখৰ পৰা ওলাই অহাৰ লগে লগে সাপটোৱে ডাক্তৰক আক্ৰমণ কৰে। যদিও চিকিৎসক জনে চতুৰতাৰে পিছুৱাই গৈ সাপৰ আক্ৰমণৰ পৰা ৰক্ষা পৰে।
ছ’চিয়েল মিডিয়াত ভাইৰেল হোৱা এই বিপজ্জনক ভিডিঅ’টো টুইটাৰত Fascinating Facts নামৰ একাউণ্টৰ জৰিয়তে শ্বেয়াৰ কৰা হৈছে। ভিডিঅ’টোৰ কেপচনত লিখা আছে, ‘মহিলাগৰাকীৰ মুখৰ পৰা ৪ ফুট দীঘল সাপ উলিয়াই আনিলে চিকিৎসকে। মহিলাগৰাকী শুই থকাৰ অৱস্থাত মুখত সোমাই গৈছিল সাপটো। ১৭ লাখতকৈ অধিক ব্যৱহাৰকাৰীয়ে এই ভিডিঅ’টো চাইছে আৰু ৩৮ হাজাৰৰো অধিক লোকে ভিডিঅ’টো লাইক কৰিছে। ভিডিঅ’টোত মানুহৰ বিভিন্ন প্ৰতিক্ৰিয়া আহি আছে, এজন ব্যৱহাৰকাৰীয়ে লিখিছে, ‘কোনোবাই ইমান গভীৰ টোপনিত কেনেকৈ থাকিব পাৰে যে ইমান দীঘল সাপ এটা মুখত সোমাই গ'ল কিন্তু তেওঁ গমকে নাপালে।'
Continue Reading
