ডিজিটেল ডেস্কঃ গাইশালৰ ভয়ংকৰ ৰে’ল দুৰ্ঘটনাৰ স্মৃতি মানুহৰ মনৰ পৰা মচ নোখোৱাৰ সময়তে আন এক একেধৰণৰ ভয়ংকৰ ৰে’ল দুৰ্ঘটনাই জোকাৰি গৈছে দেশক। উত্তৰ প্ৰদেশ শালিমাৰ-চেন্নাই কৰমণ্ডল এক্সপ্ৰেছ খন শুকুৰবাৰে ওড়িশাৰ বালাচোৰত এক ভয়ংকৰ দুৰ্ঘটনাত পতিত হৈছে । প্ৰাৰম্ভিক বাতৰি অনুসৰি ওড়িশাৰ বালাচোৰ জিলাৰ বাহাঙ্গা বজাৰৰ ওচৰত মালবাহী ৰে’ল এখনৰ সৈতে কৰমণ্ডল এক্সপ্ৰেছৰ সংঘৰ্ষ হয়।
ফলস্বৰূপে, কৰমণ্ডল এক্সপ্ৰেছৰ কেইবাটাও ডবা লাইনচ্যুত হৈ পৰে। জানিব পৰা মতে ৰে’ল খনৰ কেইবাটাও দবা চূৰ্ণ-বিচূৰ্ণ হৈ পৰিছে। দুৰ্ঘটনাটোত বহুলোক হতাহত হোৱাৰ আশংকা কৰা হৈছে।বহু যাত্ৰীৰ মৃত্যু ঘটাৰ আশংকা কৰা হৈছে।জানিব পৰা মতে দুয়ো খন ৰে’লেই একেটা পথেৰেই যাত্ৰা কৰি আছিল। কিদৰে দুৰ্ঘটনাটো সংঘটিত হ’বলৈ পালে সেই বিষয়ত তদন্ত ঘোষণা কৰা হৈছে।কৰমণ্ডল এক্সপ্ৰেছ দুৰ্ঘটনাত এই পৰ্যন্ত ৩০ জনৰ মৃত্যু হোৱা বুলি নিশ্চিত কৰা হৈছে।
নিহতৰ সংখ্যা বৃদ্ধিৰ আশংকা, ওলায়েই আছে মৃতদেহ। হেল্পলাইন নম্বৰ মুকলি কৰিছে ৰে’ল বিভাগে। নম্বৰটো হৈছে - 6782262286।ওড়িশা চৰকাৰে জৰুৰীকালীন হেল্পলাইন নম্বৰ মুকলি কৰিছে । নম্বৰ কেইটা হৈছে 033-26382217, 8972073925, 67822 62286, 9332392339।জানিব পৰা মতে দুয়ো খন ৰে’লেই একেটা পথেৰেই যাত্ৰা কৰি আছিল। কিদৰে দুৰ্ঘটনাটো সংঘটিত হ’বলৈ পালে সেই বিষয়ত তদন্ত ঘোষণা কৰা হৈছে। ৩ টা এনডিআৰএফৰ দল ; ৪ টা ওডিআৰএএফ গোট আৰু ৬০ খন এম্বুলেন্সে দুৰ্ঘটনাস্থলীত উদ্ধাৰ অভিযান চলাই আছে।
Continue Reading
