গামোছা পিন্ধি প্ৰধানমন্ত্ৰী মোদীৰ আমেৰিকা যোৱাৰ লক্ষ্য কি ?

নতুন দিল্লী : বুধবাৰে পুৱা নতুন দিল্লীৰ পৰা আমেৰিকা ভ্ৰমণলৈ বুলি  উৰা মাৰে প্ৰধানমন্ত্ৰী নৰেন্দ্ৰ মোদীয়ে।  মোদীয়ে যাত্ৰা কালত দিয়া এখন ফটোৰ পাছতে বহুতৰে মনত উদয় হৈছে বিমানখনক লৈ৷ মোদীয়ে আমেৰিকালৈ যাত্ৰা কৰা বিমানখনৰ নাম AIR INDIA-1। BOEING 77 VVIP শ্ৰেণীৰ এই বিমানখন। ভাৰতীয় বায়ু সেনাৰ পাইলটে চলাই গৈছে বিমানখন। বিগত বৰ্ষত এই বিমানখন নিয়োগ কৰা হৈছে প্ৰধানমন্ত্ৰী, ৰাষ্ট্রপতি আৰু উপ-ৰাষ্ট্রপতিৰ ব্যৱহাৰৰ বাবে। 

উল্লেখ্য যে মিছাইল আক্ৰমণ প্ৰতিৰোধী সুৰক্ষা ব্যৱস্থাৰে সু-সজ্জিত AIR INDIA-1। ক্ষেপাণাস্ত্ৰ আক্ৰমণতো সুৰক্ষিত থাকিব পাৰে বিমানখন আৰু ইয়াৰ আৰোহীসকল। আমেৰিকাৰ ৰাষ্ট্রপতিয়ে ব্যৱহাৰ কৰা AIR FORCE-1 বিমানৰ সমকক্ষ AIR INDIA-1 ৰ নিৰাপত্তা ব্যৱস্থা। উল্লেখযোগ্য যে অহা ২৬ ছেপ্টেম্বৰলৈকে আমেৰিকাত থাকিব মোদী। এই ভ্ৰমণত মোদীয়ে বিভিন্ন আন্তঃৰাষ্ট্রীয় প্ৰসংগত আলোচনাত মিলিত হ’ব মাৰ্কিন ৰাষ্ট্রপতি জ’ বাইডেন, উপ-ৰাষ্ট্রপতি কমলা হেৰিছৰ সৈতে। 

বিশ্বৰ বহুকেইটা আগশাৰীৰ কোম্পানীৰ CEOই সাক্ষাত কৰিব মোদীক। প্ৰধানমন্ত্ৰী মোদীয়ে এই ভ্ৰমণত অংশগ্ৰহণ কৰিব কোৱাৰ্ড ছামিটত। আন্তঃৰাষ্ট্রীয় সন্ত্ৰাসবাদ আৰু চীনৰ আগ্ৰাসন প্ৰতিৰোধ কৰাৰ কৌশল ৰচনাৰ বাবে এই ছামিটত অংশগ্ৰহণ কৰিব মোদী, বাইডেনৰ লগতে অষ্ট্রেলিয়া আৰু জাপানৰ প্ৰধানমন্ত্ৰীয়ে।