ডিজিটেল ডেস্কঃ ২০০৮ চনত মুম্বাইত সংঘটিত সন্ত্ৰাসবাদী আক্ৰমণৰ পিছত ভাৰত আৰু পাকিস্তানে দ্বিপাক্ষিক শৃংখলা খেলা নাই। যদিও বিশ্বকাপ, চেম্পিয়নছ ট্ৰফী, এছিয়া কাপৰ দৰে প্ৰতিযোগিতাত ইজনে সিজনৰ মুখামুখি হৈছে, তথাপিও ইখনে সিখন দেশত খেলা নাই। কিছুদিন পূৰ্বে পাকিস্তান ক্ৰিকেট দল ভাৰতলৈ আহিছে বিশ্বকাপ খেলিবলৈ। এনে পৰিস্থিতিত পাকিস্তান ক্ৰিকেট ব’ৰ্ডে ভাৰতীয় ক্ৰিকেট ব’ৰ্ডক দ্বিপাক্ষিক শৃংখলাৰ প্ৰস্তাৱ আগবঢ়ায়।
পাকিস্তান ক্ৰিকেট ব’ৰ্ডৰ অধ্যক্ষ জাকা আশ্ৰফে কয়, ‘পাকিস্তানৰ দৰে ভাৰততো ক্ৰিকেট সৰ্বাধিক জনপ্ৰিয়। ভাৰত-পাকিস্তানতকৈ ডাঙৰ মেচ ক্ৰিকেটত নাই বুলি আমি বাৰে বাৰে ভাৰতক কৈ আহিছো। সেয়া এছেছ হওক, বা আন যিকোনো ধাৰাবাহিক হওক। গতিকে মোৰ মতে ভাৰত-পাকিস্তান দ্বিপাক্ষিক ধাৰাবাহিক হ’ব লাগে।’
ইয়াৰ পিছত আশ্ৰফে বিচিচিআইক অফাৰ দিলে। তেওঁ কয়, ‘মই বিচিচিআইক দ্বিপাক্ষিক ধাৰাবাহিকৰ প্ৰস্তাৱ দিছো।ধাৰাবাহিকখনৰ নাম মহাত্মা গান্ধী আৰু মহম্মদ আলী জিন্নাৰ নামেৰে ৰখা উচিত। এই ধাৰাবাহিকখন প্ৰতি বছৰে হওঁক। ভাৰতত এবাৰ খেলিব। এবাৰ পাকিস্তানত। ভাৰতে এই প্ৰস্তাৱ বিবেচনা কৰা উচিত।”
Continue Reading
