ডিজিটেল ডেস্কঃ গডজিলা। চলচ্চিত্ৰত গডজিলাৰ কীৰ্তি কাহিনী চিৰসেউজ। গডজিলা চিৰিজৰ কেইবাখনো ছৱিয়ে অভূতপূৰ্ব সফলতা লাভ কৰিছিল। চিনেমাৰ কাহিনী অনুসৰি জাপানৰ পাৰমাণৱিক বোমাৰ ছাইৰ পৰাই ইয়াৰ জন্ম হৈছিল। যাৰ বিষয়ে ৬৭ বছৰ পূৰ্বে প্ৰথমখন পূৰ্ণদৈৰ্ঘ্যৰ ছবি নিৰ্মাণ কৰা হৈছিল। ১৯৫৪ চনত ই মুক্তি লাভ কৰিছিল। যাৰ পিছত গডজিলা ছিৰিজৰ ইখনৰ পিছত সিখন ছবি। শেষৰখন আছিল ২০২১ চনত। যাক কোৱা হয় ‘গডজিলা বনাম কং’।
কিন্তু এইবাৰ পৰ্দাৰ বাহিৰৰ খাদ্যৰ টেবুলত গডজিলাক দেখা গ’ল। শেহতীয়াকৈ ছ’চিয়েল মিডিয়াত ভাইৰেল হৈছে ‘গডজিলা ৰমেন’ নামৰ এবিধ খাদ্য। এই খাদ্য টাইৱানৰ এখন ৰেষ্টুৰেণ্টত পোৱা যায়। ভাইৰেল ভিডিঅ’টোত দেখা গৈছে যে বহুতে এই খাদ্য খাই আছে।
টাইৱানৰ সংবাদ মাধ্যমৰ বাতৰি অনুসৰি এই খাদ্যত ঘঁৰিয়ালৰ মাংস ব্যৱহাৰ কৰা হয়। মাংসখিনি এনেদৰে পৰিবেশন কৰা হয় যে গডজিলাৰ ভৰি দুখন কাটি ৰেমেন বাটিটোৰ ঠিক ওপৰত ৰখা যেন লাগে। ঘঁৰিয়ালৰ ভৰি উতলাই গডজিলা ৰেমেন তৈয়াৰ কৰা হয়। ডৌলিউ চহৰৰ ইউনলিন কাউন্টি নামৰ এখন ৰেষ্টুৰেণ্টত মুকলি কৰা হৈছে গডজিলা ৰেমেন।
ছ’চিয়েল মিডিয়াত ই যথেষ্ট আলোড়নৰ সৃষ্টি কৰিছে। কিন্তু এই ৰেমেন কেৱল ঘঁৰিয়ালৰ মাংসৰেই নহয়, বিভিন্ন মাংস, কণী আৰু শাক-পাচলিৰেও তৈয়াৰ কৰা হয়।
