ডিজিটেল ডেস্কঃ ২৯ বছৰ বয়সত মুকলি আকাশৰ তলত বিচৰণ কৰিলে এটা চিম্পাঞ্জীয়ে। নাম তাৰ ভেনিলা। ইমান দিনে পিঞ্জৰাত কটোৱা ভেনিলাই মুক্ত পৃথিৱীখন দেখাই নাছিল।
শেহতীয়াকৈ সংবাদ মাধ্যমৰ শিৰোনামা দখল কৰা ভেনিলাই জন্মৰ পিছৰ প্ৰথম দুবছৰ নিউয়ৰ্কৰ কুখ্যাত লেবৰেটৰী ফৰ এক্সপেৰিমেণ্টেল মেডিচিন এণ্ড চাৰ্জাৰী ইন প্ৰাইমেটছত কটায়। ইয়াৰ পিছত যেতিয়া লেবটো বন্ধ হৈ গ’ল, তেতিয়া কেলিফৰ্ণিয়ালৈ পঠিওৱা হ’ল। পাঁচ বৰ্গফুটতকৈও ডাঙৰ পিঞ্জৰা এটাত বন্দী কৰা হৈছিল তাক!
১৯৯৭ চনৰ পৰা ২০১৯ চনলৈকে তাতেই থাকিল ভেনিলা। কিন্তু কেলিফৰ্ণিয়াৰ সেই চিৰিয়াখানাখনো ২০১৯ চনত বন্ধ হৈ পৰিছিল। সেয়ে ছেভ দ্য চিম্প নামৰ এটা সংস্থাই এইবাৰ তাক অন্য চিৰিয়াখানালৈ প্ৰেৰণ কৰে। ফ্ল’ৰিডাৰ ফ’ৰ্ট পিয়ৰ্চ নামৰ এটা দ্বীপত ভেনিলাক ৰখা হৈছে।
ভেনিলা এতিয়া তাত নতুন বন্ধুৰ সৈতে এটা দ্বীপত ভালদৰেই আছে। বিশেষকৈ ডুৱাইট নামৰ তেওঁৰ পুৰুষ বন্ধুৰ সৈতে তাৰ নিবিড় সম্পৰ্ক! চিম্পাঞ্জীটোৰ ভিডিঅ’ প্ৰকাশ কৰা ছেভ দ্য চিম্পৰ অন্যতম চিকিৎসক এণ্ড্ৰু হাল’ৰানে কয় যে, “ভেনিলাই এতিয়া এখন নতুন পৃথিৱীৰ সোৱাদ লৈছে।”
Continue Reading
