গ্ৰীষ্মকালত খাদ্য বিষক্ৰিয়াৰ আশংকা অধিক বৃদ্ধি পায়। কাৰণ এই বতৰত খাদ্য সামগ্ৰীবোৰ সোনকালে নষ্ট হোৱাৰ লগতে খাদ্যৰ বিষক্ৰিয়াৰ সম্ভাৱনাও বাঢ়ি যায়। যিহেতু খাদ্য বিষক্ৰিয়াৰ বেক্টেৰিয়া অতি দ্ৰুতগতিত বিয়পে, গতিকে এই বতৰত যিমান পাৰি খোৱা-বোৱাৰ সঠিক যত্ন লোৱ

Listen to Article

2 min read

80%

ডিজিটেল ডেস্ক : গ্ৰীষ্মকালত খাদ্য বিষক্ৰিয়াৰ আশংকা অধিক বৃদ্ধি পায়। কাৰণ এই বতৰত খাদ্য সামগ্ৰীবোৰ সোনকালে নষ্ট হোৱাৰ লগতে খাদ্যৰ বিষক্ৰিয়াৰ সম্ভাৱনাও বাঢ়ি যায়। যিহেতু খাদ্য বিষক্ৰিয়াৰ বেক্টেৰিয়া অতি দ্ৰুতগতিত বিয়পে, গতিকে এই বতৰত যিমান পাৰি খোৱা-বোৱাৰ সঠিক যত্ন লোৱাটো প্ৰয়োজন। কাৰণ অলপ সাৱধানতা অৱলম্বন কৰিলেই সুস্থ হৈ থাকিব পৰা যায়। সেয়েহে আজি আমি খাদ্য বিষক্ৰিয়াৰ কাৰণ, ইয়াৰ লক্ষণ আৰু ইয়াৰ পৰা পৰিত্ৰাণৰ কিছু উপায়ৰ বিষয়ে জানো আহক।

খাদ্য বিষক্ৰিয়াৰ কাৰণ-

গ্ৰীষ্মকালত খাদ্য বিষক্ৰিয়াৰ কাৰণ এটাই নহয় বহু হ’ব পাৰে। এই সমস্যা সাধাৰণতে বেক্টেৰিয়া বা ভাইৰাছৰ দ্বাৰা হয়। বেক্টেৰিয়া বা ভাইৰাছ বহু ধৰণে আমাৰ পেটত উপনীত হ’ব পাৰে। কমকৈ সিজোৱা খাদ্য খোৱা, লেতেৰা বাচনত তৈয়াৰী খাদ্য, সঠিকভাৱে ঢাকি নৰখা সামগ্ৰী, ফ্ৰীজৰ বাহিৰত বহুদিন ধৰি ৰখা খাদ্য খালে ফুড পইজনিং হ’ব পাৰে। ইয়াৰ বাহিৰেও ঠাণ্ডা খাদ্য খোৱা, ফ্ৰীজৰ পৰা উলিয়াই অনাৰ পাছত পুনৰ গৰম নকৰাকৈ খাদ্য খোৱা, দুই-তিনি দিন ধৰি ৰখা যিকোনো বাহি খাদ্য খোৱাটো ক্ষতিকাৰক হ’ব পাৰে।