ডিজিটেল ডেস্কঃ ভাৰতীয় পুৰুষসকলে মোবাইলত বাৰু বেছিকৈ কি ছাৰ্চ কৰে? কভাৰেছন মিডিয়া প্লেটফৰ্ম বাবল এআইয়ে স্মাৰ্টফোন ব্যৱহাৰকাৰীৰ ওপৰত এক নতুন গৱেষণা কৰিছে। এই গৱেষণা প্ৰায় ৮.৫ কোটি পুৰুষ-মহিলাৰ ওপৰত কৰা হৈছিল। গৱেষণাৰ ফলত পোহৰলৈ আহিছে যে তেওঁলোকে নিজৰ এণ্ড্ৰইড স্মাৰ্টফোনত কেনেধৰণৰ ভিডিঅ’ বেছিকৈ চায় বা তেওঁলোকে কি বেছিকৈ ছাৰ্চ কৰে আৰু কেনেধৰণৰ এপ ভাল পায়?
বাবল এআইৰ প্ৰতিবেদন অনুসৰি ২০২১ চনৰ তুলনাত ২০২২ চনত ভাৰতীয়সকলে স্মাৰ্টফোনত ৫০ শতাংশ বেছি সময় কটায়। অৰ্থাৎ সামগ্ৰিকভাৱে মোবাইল ফোনত সময় নষ্ট কৰাৰ ধাৰা বৃদ্ধি পাইছে।
গৱেষণাৰ মতে ভাৰতীয় পুৰুষে স্মাৰ্টফোনত সৰ্বাধিক গেমিং এপ ব্যৱহাৰ কৰে। আনহাতে, গেমিং এপৰ প্ৰতি মহিলাৰ আগ্ৰহ কম। দেখা গ’ল যে মাত্ৰ ৬.১ শতাংশ মহিলাইহে গেমিং এপ্লিকেচন ব্যৱহাৰ কৰে।
ছ’চিয়েল মিডিয়া আৰু মেছেজিং এপত মহিলাসকল অতি সক্ৰিয়। তেওঁলোকে গেমিং এপ ভাল নাপায়। এই অধ্যয়ন অনুসৰি ভিডিঅ’ এপ্লিকেচন ব্যৱহাৰকাৰীৰ ২১.৭ শতাংশ মহিলা। খাদ্য সম্পৰ্কীয় এপ ব্যৱহাৰ কৰা ২৩.৫ শতাংশই মহিলা।
প্ৰতিবেদন অনুসৰি পেমেণ্ট এপত মহিলাৰ অংশগ্ৰহণ ১১.৩ শতাংশ আৰু ক্ৰীড়া এপত ৬.১ শতাংশ।
তথ্য অনুসৰি বেছিভাগ ভাৰতীয় পুৰুষে গেমিং এপ্লিকেচন ব্যৱহাৰ কৰাটো পছন্দ কৰে আৰু নাৰীয়ে পছন্দ কৰে খাদ্য আৰু মেছেজিং এপ।
Continue Reading
