ডিজিটেল ডেস্কঃ উত্তৰ প্ৰদেশৰ ফাৰুখাবাদৰ এটা মছজিদৰ ইমামৰ বিৰুদ্ধে গেৰুৱা ৰঙৰ কুৰ্তা পিন্ধা স্থানীয় এজনক নমাজ আগবঢ়োৱাত বাধা দিয়াৰ বাবে গোচৰ ৰুজু কৰা হয়। আৰক্ষীৰ মতে, ইমামজনে ৰাজহুৱা স্থানত লোকজনক অপমান কৰিছিল।
ফাৰুখাবাদৰ ছামছাবাদ অঞ্চলৰ বাসিন্দা আছিফ আলীয়ে ইমামজনৰ বিৰুদ্ধে এজাহাৰ পঞ্জীয়ন কৰে। আছিফ আলীয়ে কয় যে ইমামে তেওঁক কৈছিল যে গেৰুৱা ৰঙে হিন্দু ধৰ্মক বুজায় আৰু এইদৰে তেওঁ মছজিদলৈ সেই ৰঙৰ কাপোৰ পিন্ধিব নালাগে।
অভিযোগকাৰীয়ে কয় যে মছজিদৰ ইমামজনে তেওঁৰ কুৰ্তাৰ ৰং দেখি বিচলিত হৈছিল, যাৰ ওপৰত আছিফ আলীয়ে আপত্তি উত্থাপন কৰি কয় যে ইছলামে মানুহক সকলো ৰং পিন্ধিবলৈ অনুমতি দিয়ে।অভিযোগৰ পিছত ইমামজনৰ বিৰুদ্ধে ভাৰতীয় দণ্ডবিধিৰ ৫০৬ ধাৰাত গোচৰ ৰুজু কৰা হয়।এই বিষয়টোৰ ওপৰত বৰ্তমান আৰক্ষীৰ তদন্ত চলি আছে।
Continue Reading
