ডিজিটেল ডেস্ক
বৃহস্পতিবাৰে টি-২০ বিশ্বকাপত ইংলেণ্ডৰ বিৰুদ্ধে ছেমিফাইনেলত ভাৰতৰ ১০ উইকেটৰ পৰাজয়ৰ পিছতে এতিয়া ক্ৰোধান্বিত হৈ আছে ভাৰতৰ ক্ৰিকেটপ্ৰেমী ৰাইজ। সমালোচনাৰে ভৰি পৰিছে ছ’চিয়েল মিডিয়া৷ এইবাৰ আকৌ অনুৰাগীয়েই নহয়, টীম ইণ্ডিয়াৰ অধিনায়ক ৰোহিত শৰ্মাক তীব্ৰ আক্ৰমণ কৰিলে ভাৰতৰ প্ৰাক্তন খেলুৱৈ অজয় জাদেজাই৷
দলটোক সমালোচনা কৰি জাদেজাই কয় যে, ভাৰতে বিশ্বকাপত বিপৰ্যয়ৰ সন্মুখীন হোৱাৰ এটা মুখ্য কাৰক- হৈছে বৃদ্ধ দলটো।
'ঘৰ কা এক হি বুজুৰ্গ হোনা চাহিয়ে, সাত বুজুৰ্গ হোংগে তো ভি দিক্কাত হে।” এনেদৰেই জাদেজাই বিশ্বকাপলৈ আগবাঢ়ি যোৱাৰ পূৰ্বে ৰোহিত শৰ্মাৰ অধিনায়কত্বৰ ওপৰতো প্ৰশ্ন উত্থাপন কৰিছিল।
জাদেজাৰ বক্তব্যই কেপ্তেইন হিচাপে ৰোহিত শৰ্মাক অযোগ্য প্ৰতিফলিত কৰিছিল৷ প্ৰাক্তন খেলুৱৈজনে কয় যে, “মই এটা কথা ক'ম যিটোৱে ৰোহিত শৰ্মাক আঘাত কৰিব পাৰে। যদি আপুনি অধিনায়ক হিচাপে এটা দল বনাব লগা হয়, আপুনি গোটেই বছৰটো দলটোৰ সৈতে থাকিব লাগিব। ৰোহিত শৰ্মাই এই বছৰ কিমানটা শৃংখলা খেলিছিল?”
জাদেজাৰ এনে স্পষ্ট তথা আক্ৰমণাত্মক ভাষ্যই টীম ইণ্ডিয়াৰ প্ৰতি অনুৰাগীৰ আস্থা হ্ৰাস কৰাৰো আশংকা আছে৷ আনফালে এনে ব্যক্তব্যৰ কোনো প্ৰত্যুত্তৰ দিয়া নাই অধিনায়ক ৰোহিত শৰ্মাই৷
Continue Reading
