ডিজিটেল ডেস্কঃ হাৰিয়ানাৰ সাম্প্ৰদায়িক সংঘৰ্ষই দেশক জোকাৰ থকাৰ সময়তে উচ্চতম ন্যায়ালয়ে বুধবাৰে কেন্দ্ৰ আৰু সংশ্লিষ্ট ৰাজ্য চৰকাৰক হাৰিয়ানাৰ নুহত সাম্প্ৰদায়িক সংঘৰ্ষৰ প্ৰতিবাদত ভিএইচপি আৰু বজৰং দলে অনুষ্ঠিত কৰা পদযাত্ৰাৰ সময়ত দিল্লীত কোনো ঘৃণামূলক ভাষণ বা হিংসা সংঘটিত নোহোৱাটো নিশ্চিত কৰিবলৈ নিৰ্দেশ দিছে।
ন্যায়াধীশ সঞ্জীৱ খান্না আৰু এছ ভি ভাট্টিৰ বিচাৰপীঠে দিল্লীত অতিৰিক্ত আৰক্ষী বা অৰ্ধসামৰিক বাহিনী মোতায়েন কৰিবলৈ আৰু সংবেদনশীল এলেকাত চিচিটিভি কেমেৰা স্থাপন কৰিবলৈও নিৰ্দেশ দিয়ে। আদালতত আবেদনকাৰী সাংবাদিক শ্বাহিন আব্দুল্লাৰ হৈ উপস্থিত থকা অধিবক্তা চি ইউ সিঙে কয় যে ৰাষ্ট্ৰীয় ৰাজধানী অঞ্চলৰ (এনচিআৰ) ৰ বিশ্ব হিন্দু পৰিষদ (ভিএইচপি) আৰু বজৰং দলে ২৩ টা স্থানত প্ৰতিবাদ সাৱস্ত্য কৰিব বুলি ঘোষণা কৰিছে।
এনে পৰিস্থিতিত দিল্লীতো হাৰিয়ানা সদৃশ পৰিবেশৰ সৃষ্টি হ’ব পাৰে বুলি আবেদনকাৰীয়ে আশংকা ব্যক্ত কৰিছে। এনে আশংকাৰ মাজতে উচ্চতম ন্যায়ালয়ে বুধবাৰে দিল্লীত পদযাত্ৰাৰ সময়ত কোনো ঘৃণামূলক ভাষণ যাতে কোনেও নিদিয়ে সেই বিষয়ত সতৰ্ক হ’বলৈ সংশ্লিষ্ট চৰকাৰক নিৰ্দেশ দিয়ে। উল্লেখ্য ৩১ জুলাইত ভিএইচপিৰ শোভাযাত্ৰা বন্ধ কৰিবলৈ চেষ্টা কৰাৰ পিছত নুহত সংঘটিত সাম্প্ৰদায়িক হিংসাত দুজন গৃহৰক্ষীসহ ছয়জন লোকৰ মৃত্যু হৈছে। ৰাজ্য চৰকাৰৰ মতে এতিয়ালৈকে প্ৰায় ১১৬ জন লোকক গ্ৰেপ্তাৰ কৰা হৈছে।
Continue Reading
