ডিজিটেল ডেস্কঃ উত্তৰ প্ৰদেশৰ বৰেলীত কানৱাৰ যাত্ৰাৰ সময়ত কানৱাৰীয়াৰ ওপৰত লাঠীচালনাৰ কিছু সময়ৰ পাছতে বদলি হয় এছ এছ পি প্ৰভাকৰ চৌধুৰীক। একাংশ লোকে দাবী কৰিছিল যে কানৱৰীয়াসকলক লাঠীচালনাৰ পাছতহে প্ৰভাকৰক বদলি কৰা হয়৷ছ’চিয়েল মিডিয়াত বিভিন্ন লোকে প্ৰভাকৰ চৌধুৰীক প্ৰশংসা কৰিছিল আৰু বদলি সন্দৰ্ভত প্ৰশ্ন উত্থাপন কৰিছিল যদিও এতিয়া চৰকাৰৰ এই মনোভাৱত প্ৰভাকৰ চৌধুৰীৰ পিতৃ অতিশয় ক্ষুব্ধ হৈ পৰিছে।
আই পি এছ বিষয়া প্ৰভাকৰ চৌধুৰী আম্বেদকাৰ নগৰ জিলাৰ হান্সৱাৰ থানাৰ অন্তৰ্গত মাহমুদপুৰ গাঁৱৰ বাসিন্দা। প্ৰভাকৰৰ প্ৰাথমিক শিক্ষা শিশু মন্দিৰ বিদ্যালয় বাস্কাৰীৰ পৰা আৰু ইন্দাইপুৰ ইণ্টাৰ কলেজৰ পৰা হয়।পৰৱৰ্তী সময়ত এলাহাবাদ বিশ্ববিদ্যালয়ৰ পৰা অধ্যয়ন কৰি ২০১০ চনত প্ৰথম প্ৰয়াসতে প্ৰভাকৰ আই পি এছ হয়।খবৰ অনুসৰি প্ৰভাকৰ চৌধুৰীৰ পিতৃ পৰশনাথ চৌধুৰী শিক্ষক আছিল আৰু এতিয়া তেওঁ অৱসৰ গ্ৰহণ কৰিছে। প্ৰায় চল্লিশ বছৰ ধৰি ৰাষ্ট্ৰীয় স্বয়ংসেৱক সংঘ আৰু বিজেপিৰ লগত জড়িত হৈ আছে। অৱশ্যে এতিয়া তেওঁৰ পুত্ৰৰ অবিৰত বদলিক লৈ অসন্তুষ্টি ব্যক্ত কৰিছে।
তেওঁ কৈছে যে এতিয়া তেওঁ নিজৰ অঞ্চলত বিজেপিক জয়ী হ’বলৈ নিদিয়ে, এতিয়া তেওঁ বিজেপিৰ বিৰোধিতা কৰিব। বাৰেলী কাণ্ডৰ সন্দৰ্ভত পৰশনাথ চৌধুৰীয়েও ক’লে যে যিজন বিষয়াক পুৰস্কৃত হ’ব লাগিছিল তেওঁক আঁতৰাই দিয়া হ’ল৷ প্ৰভাকৰৰ সততাৰ বাবেই তেওঁ অবিৰতভাৱে বদলি হৈ আছে। প্ৰভাকৰৰ দেউতাকে কয় যে এতিয়া প্ৰভাকৰৰ বদলিৰ অভ্যাস হৈছে।ইয়াৰ বাহিৰেও এবছৰতকৈ অধিক সময় ক’তো চাকৰি কৰা নাই। প্ৰায়বোৰ জিলাতে তেওঁলোকে মাত্ৰ ছয়-সাত মাহহে সেৱা আগবঢ়াবলৈ সক্ষম হৈছে। প্ৰভাকৰ চৌধাৰীক ১৩ বছৰীয়া সেৱাত ২১ বাৰ বদলি হোৱাৰ বিপৰীতে যোৱা আঠ বছৰত তেওঁক ১৮ বাৰ এঠাইৰ পৰা আন ঠাইলৈ প্ৰেৰণ কৰা হৈছে৷কোৱা হয় যে প্ৰভাকৰ চৌধুৰীয়ে নেতাৰ কথা নুশুনে, সেই কাৰণেই তেওঁক সোনকালে বদলি কৰা হয় ৷
Continue Reading
