বাস্তুশাস্ত্ৰৰ মতে ঘৰত ধনাত্মক শক্তিৰ প্ৰবাহ বজাই ৰখাত উদ্ভিদে গুৰুত্বপূৰ্ণ ভূমিকা পালন কৰে। ঘৰত থকা কাৰ্বন ডাই অক্সাইড শোষণ কৰি বায়ুমণ্ডল নিৰ্মল কৰি ৰাখে উদ্ভিদে। বাস্তুশাস্ত্ৰত এনে কিছুমান উদ্ভিদৰ কথা উল্লেখ কৰা হৈছে যিবোৰে ধনাত্মক শক্তি সঞ্চাৰ কৰে।

Listen to Article

2 min read

80%

ডিজিটেল ডেস্কঃ বাস্তুশাস্ত্ৰৰ মতে ঘৰত ধনাত্মক শক্তিৰ প্ৰবাহ বজাই ৰখাত উদ্ভিদে গুৰুত্বপূৰ্ণ ভূমিকা পালন কৰে। ঘৰত থকা কাৰ্বন ডাই অক্সাইড শোষণ কৰি বায়ুমণ্ডল নিৰ্মল কৰি ৰাখে উদ্ভিদে। বাস্তুশাস্ত্ৰত এনে কিছুমান উদ্ভিদৰ কথা উল্লেখ কৰা হৈছে যিবোৰে ধনাত্মক শক্তি সঞ্চাৰ কৰে।

এই উদ্ভিদসমূহৰ ভিতৰত আছে তুলসী, মানি প্লাণ্ট, লাকী বেম্ব আদি উদ্ভিদ। ইয়াৰ বাহিৰেও আন এবিধ উদ্ভিদ আছে যাৰ ফুল ভগৱান বিষ্ণুৰ অতি প্ৰিয়। আচলতে অপৰাজিতা উদ্ভিদক বিষ্ণুপ্ৰিয়া বুলিও কোৱা হয়। ভগৱান বিষ্ণুৰ ওচৰত বিষ্ণুপ্ৰিয়া অপৰাজিতা ফুল আগবঢ়াই তেওঁৰ বিশেষ কৃপা লাভ কৰিব পাৰি বুলি বিশ্বাস কৰা হয়। ঘৰৰ চৌহদত বিষ্ণুপ্ৰিয়া অপৰাজিতাক পূব-উত্তৰ কোণত স্থাপন কৰাটো আটাইতকৈ উপযুক্ত।

ইয়াৰ উপৰিও ঘৰৰ উত্তৰ দিশতো ইয়াক ৰোপণ কৰিব পাৰি। এই দিশত প্ৰয়োগ কৰিলে ঘৰত সমৃদ্ধি হয় বুলি বিশ্বাস কৰা হয়। কিন্তু বাস্তুৰ মতে অপৰাজিতাৰ উদ্ভিদটো দক্ষিণ বা পশ্চিম দিশত ৰোপণ কৰিব নালাগে।বাস্তুশাস্ত্ৰ আৰু জ্যোতিষতো ইয়াৰ উল্লেখ আছে।

অপৰাজিতা উদ্ভিদৰ বিষয়ে কোৱা হৈছে যে ইয়াৰ লতা গছ বাঢ়ি যোৱাৰ লগে লগে ঘৰৰ উন্নতিৰ অগ্ৰগতিও বৃদ্ধি পায়। ফেব্ৰুৱাৰী বা মাৰ্চ মাহত অপৰাজিতা গছ ৰোপণ কৰিলে ভাল। অপৰাজিতাৰ নীলা ফুল শনি দেৱলৈ আগবঢ়াইও সুফল পাব পাৰি। শনিদেৱক অপৰাজিতাৰ ফুল আগবঢ়ালে শনিৰ দোষৰ পৰা নিস্তাৰ পোৱা যায় বুলি বিশ্বাস কৰা হয়। ইয়াৰ বাহিৰেও শনিবাৰে শনি দেৱক অপৰাজিতা ফুল আগবঢ়ালে ঘৰখননৈ শুভ শক্তিৰ আগমন ঘটে।