গৰমৰ দিনত ঘামৰ গোন্ধই আমনি কৰে সকলোকে, ইয়াৰ পৰা পৰিত্ৰাণৰ বাবে এইসমূহ ঘৰুৱা টিপছ মানি চলক...

ডিজিটেল ডেস্ক : গৰমৰ দিনত প্ৰচুৰ ঘাম ওলোৱা আৰু এই ঘামৰ দুৰ্গন্ধই সকলোকে অশান্তি দিয়াৰ লগতে লাজৰ কাৰণো হৈ পৰে। সেয়েহে প্ৰায় মানুহে শৰীৰৰ গোন্ধ আঁতৰাবলৈ ডিঅ’ডৰেণ্ট আৰু পাৰফিউম ব্যৱহাৰ কৰে, ফলত ই ব্যয়বহুল হোৱাৰ উপৰি শৰীৰৰ বহু দিশত ক্ষতিও কৰে। যদি আপোনাকো ঘামৰ গোন্ধই অশান্তি দিয়ে, তেন্তে সুগন্ধিৰ সলনি কিছুমান সহজ ঘৰুৱা উপায় গ্ৰহণ কৰিব পাৰে, যিয়ে ঘামৰ গোন্ধ আঁতৰোৱাৰ ফলত শৰীৰৰ কোনো পাৰ্শ্বক্ৰিয়া নহয়। আজি আমি এনে কিছু ঘৰুৱা উপায়ৰ কথা জানো আহক...।

১. বিলাহীঃ-পাকঘৰত সহজে পোৱা বিলাহীৰে ঘামৰ গোন্ধ আঁতৰাব পাৰে। বিলাহীৰ ৰস উলিয়াই বাহুৰ তলৰ অংশত আৰু শৰীৰৰ যিবোৰ ঠাইত অত্যধিক ঘাম ওলায়, সেইবোৰ ঠাইত লগাওক। সপ্তাহত দুবাৰৰ পৰা তিনিবাৰকৈ বিলাহীৰ ৰস ব্যৱহাৰ কৰিলে আপোনাৰ ঘামৰ গোন্ধ কম হ’বলৈ আৰম্ভ কৰিব কাৰণ বিলাহীক এন্টি-চেপ্টিক বুলি গণ্য কৰা হয়। ইয়াৰ সহায়ত দুৰ্গন্ধ সৃষ্টি কৰা বেক্টেৰিয়াবোৰক ধ্বংস কৰে।

২. পদিনাঃ-সতেজ গুণৰ বাবে পদিনা গ্ৰীষ্মকালত ছুপাৰহিট হয়। ইয়াৰ পাতবোৰ গা ধোৱা পানীত মিহলাই গা ধুলেও ঘামৰ বেয়া গোন্ধ দূৰ হয়। ইয়াৰ ফলত কেৱল সতেজ অনুভৱ হোৱাই নহয়, ইয়াৰ এন্টি-চেপ্টিক আৰু এন্টি-বেক্টেৰিয়েল গুণে ঘামৰ বেয়া গোন্ধৰ লগতে ইয়াৰ বেক্টেৰিয়াকো ধ্বংস কৰে।

৩. বেকিং ছ’ডাঃ-বেকিং ছ’ডা বেয়া গোন্ধ আঁতৰোৱাত সহায় কৰে। বেকিং ছ’ডা পানীত মিহলাই স্প্ৰে কৰিলেও বাহু আৰু ভৰিৰ তলত আদিৰ দৰে দুৰ্গন্ধ ওলোৱা শৰীৰৰ অংশত দিনে দুবাৰৰ পৰা তিনিবাৰকৈ স্প্ৰে’ কৰি কিছু সময়ৰ পাছত ধুই পেলালেও দুৰ্গন্ধৰ পৰা মুক্তি পাব।

৪. ভিনেগাৰঃ-ভিনেগাৰ অৰ্থাৎ আপেল ভিনেগাৰৰ এন্টি-বেক্টেৰিয়েল আৰু এন্টি-চেপ্টিক গুণৰ বাবে ঘামৰ গোন্ধ আঁতৰোৱাত সহায় কৰে। পানীত মিহলাই ঘাম ওলোৱা ঠাইত পোন্ধৰ-বিশ মিনিট লগালে আৰু তাৰ পাছত ধুই পেলাব। ইয়াৰ লগে লগে আপুনি অতি সোনকালে ঘামৰ গোন্ধৰ পৰা সকাহ পাব।