ডিজিটেল ডেস্কঃ দেশৰ নতুন সাংসদ ভৱনক কফিনৰ স’তে তুলনা কৰিলে আৰজেডি-এ। নতুন সংসাদ ভৱনৰ ডিজাইনক কফিনৰ সৈতে তুলনা কৰি এই বিতৰ্কৰ সৃষ্টি কৰিছে দলটোৱে।
উল্লেখ্য যে আজি দেশৰ নতুন সংসদ ভৱন উদ্বোধন কৰিছে প্ৰধানমন্ত্ৰী নৰেন্দ্ৰ মোদীয়ে। শেহতীয়া কিছুদিন ধৰি নতুন ভৱন উদ্বোধনীক লৈ চলি আহিছে তীব্ৰ বিতৰ্ক। কেইবাটাও বিৰোধী দলে ইতিমধ্যে বৰ্জন কৰিছে আজিৰ উদ্বোধনী অনুষ্ঠান।
আজি পুৱাৰ ভাগত এক টুইট যোগে আৰজেডিয়ে সাংসদ ভৱনক কফিনৰ স’থে তুলনা কৰে। টুইটটোত নতুন সংসদ ভৱনৰ ছবিৰ কাষতে কফিনৰ ছবি এখন টুইট কৰি “এইটো কি” বুলি উল্লেখ কৰিছিল আৰজেডি- এ।
আৰজেডি নেতা শক্তি সিং যাদৱে দলৰ এই টুইটটোৰ সমৰ্থনত কয়, “আমাৰ টুইটত থকা কফিনটো গণতন্ত্ৰক সমাধিস্থ কৰাৰ প্ৰতিনিধিত্বমূলক। দেশে এই কথা মানি নলয়। সংসদ গণতন্ত্ৰৰ মন্দিৰ আৰু আলোচনাৰ স্থান।”
ইফালে আৰজেডি-ৰ এই টুইটৰ কিছু সময়ৰ পাছতে বিজেপিয়ে প্ৰত্যুত্তৰ জনায় আৰু নতুন সংসদ ভৱনৰ ডিজাইনক কফিনৰ সৈতে তুলনা কৰা লোকৰ বিৰুদ্ধে দেশদ্ৰোহৰ গোচৰ ৰুজু কৰিব লাগে বুলি উল্লেখ কৰে।
Continue Reading
