শ্বাহৰুখ খানৰ ছবিৰ বিৰুদ্ধে এতিয়া আৰু বিজেপিৰ নেতাসকলে নকৰে প্ৰতিবাদ! কিয়? কাৰণ বাখ্যা কৰিলে এনচিপিয়ে

দেওবাৰে এনচিপিৰ এগৰাকী মুখপাত্ৰই  কয়  যে মহাৰাষ্ট্ৰত ভাৰতীয় জনতা পাৰ্টিৰ বিজেপি নেতাসকলে এতিয়া আৰু চুপাৰষ্টাৰ শ্বাহৰুখ খানৰ ছবিৰ বিৰুদ্ধে  নিষেধাজ্ঞা জাৰি কৰাৰ আহ্বান নজনায়৷ কাৰণ অভিনেতাজনে নতুন সংসদ ভৱনৰ উদ্বোধনত আনন্দ প্ৰকাশ কৰিছে।

 উল্লেখ্য দেশৰ ১৯ টাকৈ বিৰোধী দলে নতুন সংসদ ভৱনৰ উদ্বোধনী অনুষ্ঠান বৰ্জন কৰাৰ সময়তে বহুতেই এই অনুষ্ঠানৰ বাবে মোদীক অভিনন্দন জনোৱাৰ লগতে শুভেচ্ছাও জনাইছে৷ সেই অভিনন্দন জনোৱা ব্যক্তিসকলৰ ভিতৰত শ্বাহৰুখ খানো এজন৷ দেওবাৰে  পুৱাৰ ভাগতে শ্বাহৰুখ  খানে প্ৰধানমন্ত্ৰী নৰেন্দ্ৰ মোদীৰ দ্বাৰা নতুন সংসদ ভৱন উদ্বোধনত আনন্দ প্ৰকাশ কৰি  এটা ভিডিঅ' টুইট কৰে। ৫৭ বছৰীয়া অভিনেতাজনে ভিডিঅ’  ক্লিপটোত কয়,"আমাৰ সংবিধান সুৰক্ষিত কৰা,  এই মহান ৰাষ্ট্ৰৰ প্ৰতিজন নাগৰিকক প্ৰতিনিধিত্ব কৰা এজন ব্যক্তি নৰেন্দ্ৰ মোদীজীৰ বৈচিত্ৰ্য সুৰক্ষিত কৰা লোকসকলৰ বাবে কি এক সুন্দৰ নতুন ঘৰ। নতুন ভাৰতৰ বাবে এটা নতুন সংসদ ভৱন কিন্তু ভাৰতৰ বাবে গৌৰৱ কৰিব বহুদিনীয়া সপোনৰ সৈতে। জয় হিন্দ! মোৰ সংসদ, মোৰ গৌৰৱ"।

উল্লেখ্য এনচিপিকে ধৰি প্ৰায় ২০ টা বিৰোধী দলে প্ৰধানমন্ত্ৰীৰ আজিৰ  অনুষ্ঠানটো বৰ্জন কৰিছে৷  ৰাষ্ট্ৰপতিৰ সলনি  প্ৰধানমন্ত্ৰীয়ে নতুন সংসদ ভৱনটো উদ্বোধন কৰাৰ প্ৰতিবাদ জনায়েই বিৰোধী দলসমূহে আজিৰ অনুষ্ঠানটো বৰ্জন কৰে৷ 

ইপিনে শ্বাহৰুখ  খানে মোদীক প্ৰশ্ংসা কৰি কৰা ভিডিঅ’ ক্লিপটো সন্দৰ্ভত প্ৰতিক্ৰিয়া ব্যক্ত কৰি  এন চি পিৰ ৰাষ্ট্ৰীয় মুখপাত্ৰ ক্লাইড ক্ৰেষ্টোৱে টুইট কৰে, 'এতিয়া যিহেতু  শ্বাহৰুখ খানে নতুন সংসদ ভৱনৰ সপক্ষে কথা কৈছে, আমি শীঘ্ৰেই মহাৰাষ্ট্ৰ বিজেপিৰ  নেতাসকলে   তেওঁৰ ছবিৰ বিৰুদ্ধে  নিষেধাজ্ঞা জাৰি নকৰাটো  দেখা পাম।"