ডিজিটেল ডেস্ক:
৭৫ সংখ্যক স্বাধীনতা দিৱস উপলক্ষে দেশত এতিয়া উৎসৱমুখৰ পৰিৱেশ বিৰাজমান৷ স্বাধীনতা দিৱসটো সফল আৰু বিশেষ কৰি তুলিবলৈ চৰকাৰৰ ফালৰ পৰাও বিভিন্ন আঁচনি হাতত লোৱা হৈছে৷ বহু ঠাইত ত্ৰিৰংগাৰ সৈতে শোভাযাত্ৰাও কৰা হৈছে।
দেশৰ বিভিন্ন প্ৰান্তত এনে সাংস্কৃতিক সমদল হৈ থকাৰ মাজতে গুজৰাটত সংঘটিত হৈছে এক
অস্বাভাৱিক ঘটনা৷ ত্ৰিৰংগা যাত্ৰাৰ সময়তে আঘাতপ্ৰাপ্ত হয় গুজৰাটৰ প্ৰাক্তন অতিৰিক্ত মুখ্যমন্ত্ৰী নীতিন পেটেল। গাই গৰুৰ আক্ৰমণৰ ফলতেই প্ৰাক্তন মন্ত্ৰীজন আঘাত প্ৰাপ্ত হৈছে বুলি জানিব পৰা গৈছে ৷
গাই গৰুৰ আক্ৰমণ ইমানেই ভয়ংকৰ আছিল যে প্ৰাক্তন অতিৰিক্ত মুখ্যমন্ত্ৰীজনক চিকিৎসালয়ত ভৰ্তি কৰিব লগীয়া হয়৷ চিকিৎসাৰ বাবে নীতিন পেটেলক ভাগ্যোদয় চিকিৎসালয়লৈ লৈ যোৱা হৈছিল। ত্ৰিৰংগা যাত্ৰাত উপস্থিত থকা আন কেইজনমান ব্যক্তিয়ো আঘাতপ্ৰাপ্ত হৈছে।
এই ঘটনাৰ বিষয়ে বৰ্তমান চ’চিয়েল মিডিয়াত বিশেষভাৱে প্ৰচাৰ হৈছে৷ কিছু সংখ্যক লোকে সহমৰ্মিতা প্ৰকাশ কৰিছে যদিও বহুতৰ বাবে মন্ত্ৰীজন হাঁহিয়াতৰ পাত্ৰ হৈ পৰিছে৷
Continue Reading
