ডিজিটেল ডেস্কঃস্বাধীনতা দিৱসৰ প্ৰাক সন্ধিয়া দেশবাসীক উদ্দেশ্যি ৰাষ্ট্ৰপতি দ্ৰৌপদী মুৰ্মুৱে ভাষণ দিয়ে। ৰাষ্ট্ৰপতি হিচাবে দেশবাসীক উদ্দেশ্যি দিয়া এয়া তেওঁৰ প্ৰথম ভাষণ।ভাষণত ৰাষ্ট্ৰপতি মুৰ্মুৱে কয় যে ভাৰতীৰ স্বাধীনতাৰ ৭৫ বছৰ উপলক্ষে আয়োজিত এই উদযাপনে নিশ্চয় আমাৰ স্বাধীনতা সংগ্ৰামীসকলক অতি সুখী কৰি তুলিছে ।
ৰাষ্ট্ৰপতি মুৰ্মুৱে কয়, "২০৪৭ চনৰ ভিতৰত আমি আমাৰ স্বাধীনতা সংগ্ৰামীসকলৰ সপোন সম্পূৰ্ণৰূপে বাস্তৱায়িত কৰিব পাৰিম। বাবাচাহেব ভীমৰাও আম্বেদকাৰৰ নেতৃত্বত সংবিধান ৰচনা কৰা সকলৰ দৃষ্টিভংগীক আমি এক দৃঢ় ৰূপ দিম। আমি ইতিমধ্যে এক আত্মনিৰ্ভৰ ভাৰত গঢ়ি তুলিবলৈ আগবাঢ়িছো, যি হৈছে এনে এক ভাৰত যি খন ভাৰতে ইয়াৰ প্ৰকৃত সম্ভাৱনাক উপলব্ধি কৰিব পাৰিব।"
৭৬ সংখ্যক স্বাধীনতা দিৱসৰ প্ৰাকমুহূৰ্তত মুৰ্মুৱে দেশবাসীক সম্বোধন কৰিকয় " যোৱা কেইবছৰমানত, ভাৰতে এক নতুন ৰূপ লৈছে। কোভিড মহামাৰীৰ মোকাবিলাৰ ক্ষেত্ৰত আমাৰ সাফল্য বহুতো উন্নত ৰাষ্ট্ৰতকৈ অধিক আছিল। আমি আমাৰ বিজ্ঞানী, চিকিৎসক, চিকিৎসাকৰ্মীসকলৰ লগতে কোভিড যোদ্ধাসকলৰ প্ৰতি কৃতজ্ঞ ," ।
কোভিডে বিশ্ব অৰ্থনীতিত প্ৰভাৱ পেলোৱাৰ সময়তে ভাৰতৰ অৰ্থনীতি দ্ৰুতগতিত বিকাশ হোৱা বুলিও ৰাষ্ট্ৰপতিয়ে কয়। তেওঁ কয় "গণতন্ত্ৰই কেৱল মাটিতে শিপা খামুচি নাথাকে, ই সমৃদ্ধও হয়"। তেওঁ নাগৰিকসকলক দেশৰ সুৰক্ষা, নিৰাপত্তা, প্ৰগতি আৰু সমৃদ্ধিৰ বাবে পণ ল’বলৈও আহ্বান জনায়।। মুৰ্মুৱে কয়: "দেশৰ অৰ্থনৈতিক বিকাশ অধিক দ্ৰুত হৈ পৰিছে।
ৰাষ্ট্ৰীয় শিক্ষা নীতি (এনইপি) আৰু ডিজিটেল ইণ্ডিয়াৰ উদ্যোগে এক গুৰুত্বপূৰ্ণ ভূমিকা পালন কৰিছে।তেওঁ লগতে কয়, "আজি ভাৰতৰ বাবে মূল শব্দ হৈছে দলিত, দৰিদ্ৰ আৰু দৰিদ্ৰ ৰেখাৰ তলত থকা সকলৰ প্ৰতি সহানুভূতি।" দেশৰ নতুন আত্মবিশ্বাসৰ উৎস যুৱক,কৃষক আৰু মহিলা বুলি দাবী কৰি মুৰ্মুৱে কয়: "লিংগ বৈষম্য হ্ৰাস পাইছে আৰু মহিলাসকলে বহুতো আগুৱাই গৈছে। তেওঁ ঐক্যবদ্ধ ভাবে সকলোকে দেশৰ হকে কাম কৰিবলৈ আহ্বান জনায়।
Continue Reading
