গোল্ডেন গ্লোব বিজয়ী 'নাটু নাটু' গানৰ সংগীত পৰিচালকৰ সৈতে কাম কৰিছো, ঘোষণা কৰিলে পদ্মশ্ৰী প্ৰাপক অভিনেত্ৰী কংগনা ৰাণাৱটে

 বলীউডৰ অভিনেত্ৰী কংগনা ৰাণাৱটে ২৪ জানুৱাৰীৰ পৰা  পুনৰ সামাজিক মাধ্যমত সক্ৰিয় হৈ পৰিছে৷ কংগনাই  নিজে পৰিচালনা আৰু অভিনয় কৰা ছবি 'জৰুৰীকালীন'ৰ দৃশ্যগ্ৰহণৰ এটা ভিডিঅ' টুইটাৰত শ্বেয়াৰ কৰিছিল। এইবাৰ অভিনেত্ৰীগৰাকীয়ে সামাজিক মাধ্যমত তেওঁৰ পৰৱৰ্তী কামৰ বিষয়ে বতৰা দিছিল। তেওঁক পৰৱৰ্তী সময়ত "চন্দ্ৰমুখী ২"ত গোল্ডেন গ্লোব বিজয়ী আৰু অস্কাৰ মনোনীত সংগীত পৰিচালক এম এম কিৰাবানীৰ সৈতে  কাম কৰিব। কংগনাই টুইটাৰত এই কথা প্ৰকাশ কৰিছে৷ 

কংগনা ৰাণাৱটে দক্ষিণৰ পৰিচালক পি বসুৰ 'চন্দ্ৰমুখী ২'ত অভিনয় কৰিবলৈ সাজু হৈছে। ৰাষ্ট্ৰীয় বঁটা বিজয়ী বলীউডৰ অভিনেত্ৰীগৰাকী বৰ্তমান ছবি খনৰ গানৰ ৰিহাৰ্চেলত ব্যস্ত হৈ আছে। কংগনাই ছবিখনৰ এটা গানৰ বাবে বিখ্যাত ভাৰতীয় নৃত্যশিল্পী কালা মাষ্টাৰৰ পৰা প্ৰশিক্ষণ লৈ আছে। অভিনেত্ৰীগৰাকীয়ে ৰিহাৰ্চেলৰ এখন ফটো ছচিয়েল মিডিয়াত পোষ্ট কৰিছে। কংগনাই কৈছে  যে তেওঁ অস্কাৰ মনোনীত গান 'নাটু নাটু'ৰ সংগীত পৰিচালক এম এম কিৰাবানীৰ সৈতে কাম কৰিব। অভিনেত্ৰীগৰাকীয়ে লিখিছে , "মই ৰিহাৰ্চেল আৰম্ভ কৰিছো, 'চন্দ্ৰমুখী ২'ৰ বাবে এই গানটোৰ সংগীত গোল্ডেন গ্লোব বিজয়ী সংগীত পৰিচালক এম এম কীৰাবানীয়ে ৰচনা কৰিব। কংগনাই লগতে টুইটত কয়, "কিৰাবানীৰ সৈতে কাম কৰাটো মোৰ বাবে এক ডাঙৰ সন্মান।

দক্ষিণৰ পৰিচালক পি বসুৰ দ্বাৰা পৰিচালিত 'চন্দ্ৰমুখী ২'ত কংগনা ৰাণাৱটে মূল  চৰিত্ৰত অভিনয় কৰিবলৈ সাজু হৈছে। তেওঁৰ সৈতে থাকিব 'কাঞ্চনা' খ্যাত দক্ষিণৰ অভিনেতা ৰাঘৱ লৰেন্স৷   পূৰ্বে পি বসুৰ দ্বাৰা পৰিচালিত, 'চন্দ্ৰমুখী'ত মুখ্য চৰিত্ৰত দক্ষিণৰ চুপাৰষ্টাৰ ৰজনীকান্তে অভিনয় কৰিছিল। ৰজনীকান্তক 'চন্দ্ৰমুখী ২'ত দেখা যাব নে নাই তাকে লৈ জল্পনা-কল্পনা চলি আছে।