ডিজিটেল ডেস্কঃ ভাঙি পেলোৱা হ’ব উৰিষ্যাৰ ক’ৰ’মণ্ডল ৰে’ল দুৰ্ঘটনাত মৃত্যু হোৱা লোকৰ মৃতদেহ ৰখা বাহানাগাৰ এখন বিদ্যালয়।
ৰে’ল দুৰ্ঘটনাটোৰ পিছতেই বাহানাগা বজাৰ ষ্টেচনৰ সমীপৰ বাহানাগা হাইস্কুলক অস্থায়ী মৰ্চাৰী হিচাপে ব্যৱহাৰ কৰা হৈছিল। বগা কাপোৰেৰে ঢাকি থোৱা মৃতদেহৰ স্তূপেৰে বিদ্যালয়খনৰ শ্ৰেণীকোঠাবোৰ ভৰি পৰিছিল।
ঘটনা সংঘটিত হোৱাৰ নিশাৰ পৰা পিছৰ দুদিনলৈকে মৃতদেহসমূহ বিদ্যালয়খনত ৰখা হৈছিল। ফলত গোটেই বিদ্যালয়খনতে মৃতলোকৰ তেজ বৈ গৈছিল।
ইতিমধ্যে গোটেই বিদ্যালয় চৌহদ তেজৰ দাগেৰে আৱৰি ধৰিছে। এই ভয়ানক স্মৃতিৰ বাবে বিদ্যালয় ভাঙি পেলোৱাৰ সিদ্ধান্ত লোৱা হৈছে।
এই ভয়ানক স্মৃতিৰ বাবেই স্কুলখনলৈ সন্তানক পঠাবলৈ অভিভাৱকসকলে অমান্তি হৈছিল।
Continue Reading
