ডিজিটেল ডেস্ক: এছিয়া কাপৰ ভাৰত-পাকিস্তানৰ মাজৰ মেচখন অনুষ্ঠিত হোৱাটো বিচৰা নাছিল গৌতম গম্ভীৰে৷ বিজেপি সাংসদগৰাকীয়ে এটা সাক্ষাৎকাৰত এই মেচখন অনুষ্ঠিত হ’ব নালাগে বুলি উল্লেখ কৰিছিল৷
গৌতম গম্ভীৰে কৈছিল যে ভাৰত-পাকিস্তানৰ মাজৰ সমস্যাসমাধান নোহোৱালৈকে যিকোনো ক্ৰীড়া প্ৰতিযোগিতা হ’ব নোৱাৰে৷ ভাৰতীয় সেনাৰ জীৱনতকৈ তেওঁৰ বাবে ক্ৰিকেট অধিক মূল্যৱান নহয় বুলি মন্তব্য কৰি গম্ভীৰে এই খেলখনৰ বিৰোধিতা কৰিছিল৷
ক্ৰিকেটক ৰাজনীতিৰ পৰা পৃথক কৰা সম্ভৱ নহয়, বিশেষকৈ ভাৰত আৰু পাকিস্তানৰ খেলৰ ক্ষেত্ৰত এয়া আৰু অসম্ভৱ বুলি মন্তব্য কৰিছিল গৌতমে৷ তেওঁ লগতে কৈছিল, দুয়োখন দেশৰ মাজত শত্ৰুতাৰ এক দীঘলীয়া ইতিহাস আছে, আৰু তেওঁলোকৰ মাজত ক্ৰিকেট খেলবোৰক প্ৰচাৰৰ মঞ্চ হিচাপে সঘনাই ব্যৱহাৰ কৰা হয়। মই বিশ্বাস নকৰোঁ যে দুয়োখন দেশৰ মাজত পৰিস্থিতি উন্নত নোহোৱালৈকে ভাৰতে কোনো আন্তঃৰাষ্ট্ৰীয় ক্ৰিকেট মেচত পাকিস্তানৰ সৈতে খেলিব লাগে।
কিন্তু, নিজৰ কথাৰ পৰা বিচলিত হ’ল গৌতম গম্ভীৰ৷ সুবিধাবাদৰ স্বৰূপ উদঙাই আজি ভাৰত-পাকিস্তানৰ ক্ৰিকেট খেলত ধাৰাভাষ্যকাৰৰ ৰূপত দেখা গ’ল গৌতম গম্ভীৰক৷ এনেকৈয়ে এইসকল নেতাই সুবিধাবাদৰ ৰাজনীতি কৰি আহিছে৷ ৰাজনীতিৰ নামত জনসাধাৰণক বিভ্ৰান্ত কৰি নিজে গ্ৰহণ কৰি আহিছে দুতলীয়া চৰিত্ৰ৷ আজিৰ দৃশ্যৰ পাছত এতিয়া সৰ্বত্ৰ সমালোচিত হৈছে গৌতম গম্ভীৰ৷
Continue Reading
