ডিজিটেল ডেস্কঃ পুনৰ বিতৰ্কত প্ৰাক্তন ভাৰতীয় ক্ৰিকেটাৰ গৌতম গম্ভীৰ৷ ৬ ডিচেম্বৰ বুধবাৰে ইণ্ডিয়া কেপিটেলছ আৰু গুজৰাট জায়েণ্টছৰ মাজত অনুষ্ঠিত হোৱা এলিমিনেটৰৰ সময়ত গৌতম গম্ভীৰে শ্ৰীসান্থক ‘ফিক্সাৰ’ বুলি কোৱাৰ অভিযোগ উত্থাপন হোৱাৰ পাছতে লিজেণ্ডছ লীগ ক্ৰিকেটৰ আয়ুক্তই শ্ৰীসান্থক আইনী জাননী জাৰি কৰে।
জাননীখনত উল্লেখ কৰা হৈছে যে শ্ৰীসান্থে টি-২০ টুৰ্ণামেণ্টত খেলি থকাৰ সময়ত চুক্তি ভংগ কৰাৰ বাবে দোষী সাব্যস্ত হৈছিল। ইয়াৰ উপৰিও কোৱা হৈছে যে পেচাৰগৰাকীয়ে লীগৰ প্ৰিভিউৰ ভিতৰত খেলুৱৈজনক সমালোচনা কৰা ভিডিঅ’সমূহ আঁতৰাই দিলেহে তেওঁৰ সৈতে আলোচনা আৰম্ভ হ’ব।
বিতৰ্কত আম্পায়াৰসকলেও নিজৰ প্ৰতিবেদন প্ৰেৰণ কৰিছিল যদিও শ্ৰীসান্থক গৌতমে ‘'ফিক্সাৰ'’ বুলি কোৱাৰ দাবীৰ বিষয়ে একো উল্লেখ কৰা হোৱা নাছিল।ইয়াৰ পূৰ্বে শ্ৰীসান্থে দুটামান ভিডিঅ’ মুকলি কৰিছিল য’ত তেওঁ গম্ভীৰক খেলৰ সময়ত কৰা মন্তব্যৰ বাবে তীব্ৰ সমালোচনা কৰিছিল।
পাছত গম্ভীৰে নিজৰ ছ’চিয়েল মিডিয়া হেণ্ডেলত এটা ৰহস্যময় বাৰ্তা দিছিল, য’ত তেওঁ লিখিছিল “হাঁহি মাৰক ,যেতিয়া পৃথিৱীখনৰ সকলো আপোনাৰ মনোযোগৰ ওপৰত নিৰ্ভৰশীল৷”
ইয়াৰ পাছতে বৃহস্পতিবাৰে মণিপাল টাইগাৰছৰ বিৰুদ্ধে এল এল চি ২০২৩ৰ কোৱালিফায়াৰ ২ত গম্ভীৰৰ আউট হোৱাৰ বাবেও শ্ৰীসান্থে উদ্যাপন কৰে।
Continue Reading
