গুজৰাটত মৌলবাদী- দেশদ্ৰোহীক "উপযুক্ত শিক্ষা" দিবলৈ কি কৰিব বিজেপিয়ে? প্ৰকাশ কৰিলে নিৰ্বাচনী ইস্তাহাৰত

দেশৰ কোনো নিৰ্বাচনত এনে ধৰণৰ কোষ গঠনৰ  ঘোষণাৰ বিষয়ে আগতে কোনেও হয়তো শুনা নাই।ক’তো নুশুনা কথা এটাই এইবাৰ বিজেপিয়ে গুজৰাটত কৰিব বিচাৰিছে। বিজেপিয়ে এক সম্পূৰ্ণ অভিন্ন নাগৰিক সংহিতা কাৰ্যকৰী কৰাৰো প্ৰতিশ্ৰুতি দিছে।

বিজেপিৰ সংকল্প পত্ৰত কোৱা হৈছে যে ৫৬ টা জনজাতীয় অধ্যুষিত এলেকাত ৰেচনৰ "মোবাইল ডেলিভাৰী"ৰ ব্যৱস্থা  কৰা হ'ব। যাক বহুতে 'দুৱাৰত ৰেচন' আঁচনিৰ অনুকৰণ বুলি বিবেচনা কৰিছে। এই আঁচনি  এতিয়া বংগত বন্ধ কৰা হৈছে। ইয়াৰ উপৰিও ২০ লাখ চাকৰি সৃষ্টি কৰাৰো প্ৰতিশ্ৰুতি দিছে বিজেপিয়ে।

বিজেপিৰ ইস্তাহাৰৰ বিশেষ কেইটামান  প্ৰতিশ্ৰুতি হ’ল-অহা পাঁচ বছৰত গুজৰাটৰ যুৱপ্ৰজন্মৰ বাবে ২০ লাখ চাকৰি সৃষ্টি কৰা,বৃদ্ধা, মহিলাসকলৰ বাবে বিনামূলীয়া বাছ যাত্ৰা,অহা পাঁচ বছৰত এক লাখৰো অধিক মহিলাক চৰকাৰী চাকৰি দিয়া ,শ্ৰমিকসকলক ২ লাখ টকালৈকে ঋণৰ বাবে কোনো গেৰাণ্টৰৰ প্ৰয়োজন নহ'ব,ইয়াৰ বাবে চৰকাৰে শ্ৰমিক ক্ৰেডিট কাৰ্ড জাৰি কৰিব,অৰ্থনৈতিকভাৱে দুৰ্বল পৰিয়ালৰ মেধাৱী শিক্ষাৰ্থীসকলক বৈদ্যুতিক স্কুটাৰ প্ৰদান কৰা হ’ব,অনুসূচীত জনজাতিৰ শিক্ষাৰ্থীসকলৰ বাবে আঠখন চিকিৎসা মহাবিদ্যালয় আৰু ১০ খন নাৰ্চিং আৰু পেৰামেডিকেল মহাবিদ্যালয় স্থাপন কৰা হ'ব,গোশালাৰ উন্নয়নৰ বাবে  ৫০০ কোটি টকাৰ অতিৰিক্ত বাজেট আৱণ্টন কৰা হ'ব। ১,০০০ খন অতিৰিক্ত পশু চিকিৎসালয় স্থাপন কৰা হ'ব।

 উল্লেখ্য গুজৰাটৰ নিৰ্বাচন এইবাৰ মোদীৰ বাবে সন্মানৰ প্ৰশ্ন হৈ পৰিছে। সেয়ে ভোটাৰৰ মন মুহিবলৈ প্ৰধানমন্ত্ৰীয়ে  গুজৰাটত চলিত বিত্তীয় বৰ্ষত এপ্ৰিলৰ পৰা অক্টোবৰলৈ গুজৰাটত ১,১৬,৭২০ কোটি টকাৰ চৰকাৰী প্ৰকল্পৰ উদ্বোধন বা আধাৰশিলা স্থাপন কৰিছে। ইয়াৰ ভিতৰত আছে কেন্দ্ৰীয় চৰকাৰৰ আঁচনিও। ৰাজ্য চৰকাৰৰো বহু কেইটা  প্ৰকল্প আছে। আহমেদাবাদৰ পৰা বনসকন্ত, নৱসাৰীৰ পৰা চুৰাটলৈকে, গুজৰাটৰ কোনো অঞ্চল প্ৰধানমন্ত্ৰীৰ আধাৰশিলা স্থাপন আৰু উদ্বোধনৰ তালিকাৰ পৰা বাদ পৰা নাই।