ডিজিটেল ডেস্ক
গুজৰাটৰ নিৰ্বাচনৰ প্ৰথম পৰ্যায়ৰ ভোট গ্ৰহণলৈ মাজত মাথোঁ কেইটামান ঘণ্টা বাকী। ১ ডিচেম্বৰত ৮৯খন আসনৰ ভোট গ্ৰহণ অনুষ্ঠিত হোৱাৰ বিপৰীতে ৫ ডিচেম্বৰত ৯৩খন আসনৰ ভোটগ্ৰহণ অনুষ্ঠত হ'ব।
৮ডিচেম্বৰত ১৮২খন আসনৰ ফলাফল ঘোষিত হ'ব। পিছে ভোটগ্ৰহণৰ পূৰ্বেই বিভিন্ন সংস্থাই দাখিল কৰা সমীক্ষাত পুনৰ আগুৱাই আছে শাসকীয় বিজেপি। ইণ্ডিয়া টিভিৰ সমীক্ষা অনুসৰি বিজেপিয়ে ১০৯ৰ পৰা ১২৪খন আসনত জয়লাভ কৰাৰ সম্ভাৱনা আছে।
ইয়াৰ বিপৰীতে কংগ্ৰেছে ৫১ৰ পৰা ৬৬খন আসনত জয়লাভ কৰিব পাৰে। আনহাতে গুজৰাটৰ নিৰ্বাচনত কোনো প্ৰভাৱ পেলাব নোৱাৰিব আম আদমী পাৰ্টিয়ে। দলটোৱে মাত্ৰ ০ৰ পৰা ৭খন আসন লাভ কৰাৰহে সম্ভাৱনা আছে।
এবিপি-চি ভোটাৰৰ সমীক্ষা অনুসৰি বিজেপিয়ে এইবাৰ নতুন ৰেকৰ্ড কৰিব। বিজেপিয়ে গুজৰাটৰ নিৰ্বাচনত ১৩৪ৰ পৰা ১৪২খন আসন লাভ কৰিব। কংগ্ৰেছে ২৮ৰ পৰা ৩৬খন আসন লাভ কৰাৰ বিপৰীতে আম আদমী পাৰ্টিয়ে ৭ৰ পৰা ১৫খন আসন লাভ কৰিব।
ইপিনে এইবাৰ সমীক্ষাৰ মতে গুজৰাটৰ সৌৰাষ্ট্ৰত আসনৰ সংখ্যা বৃদ্ধি হ'ব বিজেপিৰ। একেদৰে আন সমীক্ষাসমূহতো বিজেপিয়ে একক সংখ্যাগৰিষ্ঠতা লাভ কৰাৰ সম্ভাৱনা দেখুওৱা হৈছে।
Continue Reading
