ডিজিটেল ডেস্কঃ যি চৌদী আৰৱৰ লগত বিশ্বকাপৰ প্ৰথমকন মেচতে হাৰ মানিছে, সেই চৌদী আৰৱকে সমৰ্থন জনাব লিঅ’নেল মেছিয়ে! মেছিৰ সমৰ্থন লাভৰ বাবে চুক্তিও হৈ গৈছে। কিন্তু কিহৰ সমৰ্থন লাগে চৌদী আৰৱক।
প্ৰকৃততে ২০৩০ চনৰ ফুটবল বিশ্বকাপ আয়োজন কৰিব বিচাৰে চৌদী আৰৱে। এই প্ৰস্তাৱক মেছিয়ে সমৰ্থন জনোৱাটো বিচাৰে দেশখনে। ঘটনাক্ৰমে, ২০৩০ চনৰ বিশ্বকাপ আয়োজন কৰিব বিচাৰে মেছিৰ ঘৰুৱা দেশ আৰ্জেণ্টিনাইও।
'দ্যা আথলেটিক’ নামৰ এখন সংবাদ পত্ৰই জনাইছে যে চৌদী আৰৱৰ বিশ্বকাপ আয়োজনৰ আবেদনৰ সমৰ্থনত থিয় দিব মেছি। তাৰ বাবে আৰ্থিক চুক্তিও সম্পন্ন হৈছে। যদিও এই বিষয়ে আৰ্জেণ্টিনা বা মেছিয়ে এতিয়ালৈকে একো জনোৱা নাই।
জানিব পৰা মতে, ২৪৩ কোটি টকাৰ বিনিময়ত মেছিয়ে চৌদী আৰৱৰ স’তে চুক্তিবদ্ধ হৈছে। আনহাতে, ২০৩০ চনৰ বিশ্বকাপ আয়োজনৰ বাবে কেইবাখনো দেশে আবেদন কৰিছে। ইজিপ্ট আৰু গ্ৰীচৰ স’তে একেলগে চৌদী আৰৱেও বিশ্বকাপ আয়োজন কৰিব বিচাৰ। অন্যফালে স্পেইন আৰু পৰ্টুগালেও বিশ্বকাপৰ বাবে আবেদন কৰিছে। লেটিন আমেৰিকান দেশ আৰ্জেণ্টিনা, উৰুগুৱে, পাৰাগুৱে আৰু চিলিয়েও একলগে আবেদন কৰিছে।
Continue Reading
