ডিজিটেল ডেস্ক: নয়াব সিং ছৈনি হাৰিয়ানাৰ ৰাজনৈতিক ক্ষেত্ৰৰ অন্যতম ব্যক্তিত্ব৷ হাৰিয়ানাৰ ১১তম মুখ্যমন্ত্ৰী হিচাপে ১২ মাৰ্চ, ২০২৪ ত কাৰ্যভাৰ গ্ৰহণ কৰিছিল নয়াব ছৈনি। মুখ্যমন্ত্ৰী হোৱাৰ আগতে, তেওঁ কুৰুক্ষেত্ৰৰ নিৰ্বাচনী ক্ষেত্ৰত এজন সাংসদ হিচাপে সেৱা আগবঢ়াইছিল আৰু ৰাজ্য চৰকাৰৰ বিভিন্ন মন্ত্ৰ্যালয়ত কাৰ্য নিষ্পত্তি কৰিছিল। সদ্যঘোষিত হাৰিয়ানা বিধানসভাৰ নিৰ্বাচনত হাৰিয়ানাৰ মুখ্যমন্ত্ৰী নায়াব সিং ছৈনিয়ে মঙলবাৰে তেওঁৰ নিকটতম কংগ্ৰেছ প্ৰতিদ্বন্দ্বী মেৱা সিঙৰ বিৰুদ্ধে ১৬,০৫৪ টা ভোটৰ ব্যৱধানত লাডৱা বিধানসভা আসনত জয়লাভ কৰে।
হাৰিয়ানাৰ ৰাজনৈতিক ইতিহাসত নিজৰ নাম খোদিত কৰিলে নয়ব সিং ছৈনিয়ে। তেওঁৰ নেতৃত্বত বিজেপিয়ে একেৰাহে তৃতীয়বাৰৰ বাবে জয়লাভ কৰে, যিটো হাৰিয়ানাৰ ৰাজনৈতিক ইতিহাসত কেতিয়াও হোৱা নাছিল। বিভিন্ন বাধাৰ সন্মুখীন হোৱাৰ পাছতো ৰাজহুৱা সমস্যাৰ সৈতে মোকাবিলা কৰাৰ বাবে ফলপ্ৰসূ শাসন আৰু কৌশলগত ব্যৱস্থাই নিশ্চিত কৰিলে হাৰিয়ানাত বিজেপিৰ বিজয়৷ আৰু এই বিজয়ৰ স্থপতি হিচাপে নয়াব সিং ছৈনিৰ মৰ্যাদাক দৃঢ় কৰি তুলিছে৷
নয়াব সিং সৈনিৰ বিষয়ে থোৰতে জানো আহক-
শিক্ষা- নয়াব সিং ছৈনিয়ে চৌধুৰী চৰণ সিং বিশ্ববিদ্যালয় মেৰুটৰ পৰা স্নাতক ডিগ্ৰী, বাবাছাহেব ভীমৰাও আম্বেদকাৰ বিহাৰ বিশ্ববিদ্যালয় পৰা অইন বিষয়ত স্নাতক ডিগ্ৰী গ্ৰহণ কৰিছিল।
হাৰিয়ানাৰ মুখ্যমন্ত্ৰী-ছৈনি ১২ মাৰ্চ, ২০২৪ ত হাৰিয়ানাৰ ১১ম মুখ্যমন্ত্ৰী হিচাপে কাৰ্যভাৰ গ্ৰহণ কৰিছিল। তেওঁৰ নেতৃত্ব উন্নয়ন আৰু শাসনৰ ওপৰত গুৰুত্ব আৰোপ কৰিছে।
সাংসদ সদস্য- ২০১৯ পৰা ২০২৪ পৰ্যন্ত তেওঁ কুৰুক্ষেত্ৰ সমষ্টিৰ সাংসদ আছিল।
মন্ত্ৰিপদৰ ভূমিকা- ছৈনি হাৰিয়ানাৰ চৰকাৰত লোকশক্তি আৰু নিয়োগ মন্ত্ৰী, মাইন আৰু ভূগোল মন্ত্ৰী, নতুন আৰু পুনৰ্নৱীকৰণ শক্তি মন্ত্ৰী হিচাপে কাৰ্য নিৰ্বাহ।
নির্বাচনী বিজয়- তেওঁৰ নেতৃত্বত, বিজেপিয়ে হাৰিয়ানা বিধানসভা নিৰ্বাচনত বিজয় লাভ কৰে, যাৰ দ্বাৰা দলটোৰ তৃতীয়টো কাৰ্যকাল নিশ্চিত কৰে।
গ্ৰীণ হাৰিয়ানা অভিযান-"গ্ৰীণ হাৰিয়ানা" অভিযান আৰম্ভ কৰিছিল, যাৰ লক্ষ্য আছিল ৰাজ্যখনত গছ-গছনিৰে আবৃত অঞ্চলৰ বৃদ্ধি কৰা আৰু বহনক্ষম অনুশীলনৰ ব্যৱস্থাপনা প্ৰচাৰ কৰা।
Continue Reading
